لاہور۔ 12 جون (اے پی پی) چیئرمین نیب لیفٹیننٹ جنرل (ر) نذیر احمد پارینے کہ نیب ءِ اونا گوہوک آ ہند ءِ ترفنگ اولیت ءِ ، مستین اٹ نیب ءِ سیاسی مسخت آتیکن کاریم اٹ اتنگ نا کوشست کننگا۔ اوداخیال آتا درشانی ءِ دوشنبے نادے آ نیب لاہور اٹی چییک بشخنگ نا دود اٹی بطور مہمان خاص بشخ ہلنگ نا وخت آتران کرسا کرے۔ اوپارے کہ بھاز خوشی محسوس مننگ ءِ کہ درو انا گواچی بندغ آتے اوفتا حق ءِ پدی تننگ اُن، نیب مخلوق ءِ اوفتا امانت آتے پدی ترفنگ ءِ۔ اوپارے کہ شاریک پلاٹ ہلنگ آن مست تعلقدار علاقہ نا دفترآتیان پٹ وپول کیر، ہراڑان بھلو ویل اس ایسر مریک۔ چیئرمین نیب پارے کہ وڈی خوری نا برخلاف لاہور آفس نا کارکڑد بے مٹ ءِ، نیب کھرب آ روپئی نا ریکوری کرینے۔ اوپارے کہ مستین اٹ نیب ءِ سیاسی مسخت آتیکن کاریم اٹ اتنگ نا کوشست کننگا۔ نزوری تا درک ءِ خلسا تینا اصلاح ءِ کننگ اُن۔ اوپارے کہ زہمی تیکن نیب انا سفیرنا لوز ءِ کاریم اٹ اتنگ خواوہ، نیب انا پالیسی نیب اناسفیر آتا سلاہ تیا تخنہ، باندات آتیٹی تہذیب و شگفتگی ءِ تینا کروئی مریک، ڈوہدار آتون ہم تہذیب اٹ پیش بروئی ءِ۔ اوپارے کہ سزا وجزا عدالت نا کاریم ءِ، نیب انابنداوی زمواری کانود اٹی کمتی ءِ پورو کننگ ہم ارے۔ چیئرمین نیب پارے کہ شاری تے کرپشن کون آ مون تروک ویل آتا ایسری کن کھلی کچہری نا بناءِ لاہور آن کننگک۔ داکان مست ڈائریکٹر جنرل نیب لاہور امجد مجیداولک چیئرمین نیب ءِ نیب لاہور بیورو آ بننگ آ بخیر اٹ پاریر و چیئرمین نیب ءِ میگا کرپشن مقدمہ غاتیٹی ڈی جی نیب لاہور نا کماشی ٹی انویسٹی گیشن ٹیمک جوان حوال تسر۔
