اسلام آباد۔11جون (اے پی پی): مزن وزیر محمد شہباز شریف ءَ گوشتگ کہ پاکستان ءُ ترکیہ یک جان دو دل انت، دوئیں ملک آں مدام سکیں ساھت ءَ یک ءِ دومیگ ءِ گوما ھمبراہ داری کتگ، دوئیں ملک آنی نیام ءَ تجارتی کسس پنچ ارب ڈالر ءَ چہ ودیناں، کشمیری آناں یونائیٹڈ نیشن ءِ منو گری ءِ رد ءَ وت واجئی ھک دیگ ءَ ابید پڑ ءَ ایمنی برجائی بوت نہ کنت، پاکستان ءُ بھارت وتاس ءُ جنگی جہاز بھا زورگ ءِ مٹ ءَ وتی دمگ آں چہ گریبی ءُ بے وانندگی ءِ ھلاسی ءِ آسراتی آنی سر ءَ ھرچ بکن انت ءُ وت مہ وتی کشاں چیل آناں ایمنیں سول ءُ تران آں گوں گیوار بکن انت۔ حکومت ءِ ھمبراہ داریں پارٹیاں پاکستان ءَ را ڈیفالٹ ءِ بیم ءُ ترس ءَ چہ رکھینتگ، پاکستان ءَ لس گچین کاری ءِ تاریخ الیکشن کمیشن دنت ءُ ما ایشی ءِ پد ءُر ندی ءَ کناں، 9 مئی ءِ واکیہ ءَ گوں دست مانجنیں مردم آنی ھلاپ ءَ کانود ءِ رد ءَ کاروائی بیت۔ عمران خان ءَ را 9 مئی ءَ کرپشن ءُ مستری ءِ اختیار آناں گوں ردئی ءَ کارمر کنگ ءِ کیس ءَ دزگیر کنگ بوتگ ۔ آئی ءِ گوشگ ءِ رد ءَ فوجی جاہ آنی سر ءَ ارش کنگ بوتگ۔ ترکیہ ءِ تر ءُ تاب ءِ ساھت ءَ “حبر گلوبل” ءَ را داتگیں انٹریو ءَ مزن وزیر شہباز شریف ءَ گوشت کہ صدر درجب طیب اردوان ءَ را یک رند ءِ پد ءَ گوں دل ءِ جھلانکاں مبارک بات پیش کناں۔
