مزن وزیر محمد  شہباز شریف  ءَ  جوانیں  بجٹ  پیش کنگ ءِ  پد ءَ اقتصادی  ٹیمب  ءِ  توسیپ

اسلام آباد۔10جون  (اے پی پی): مزن وزیر محمد شہباز شریف   ءَ توامیں   سکی آں ابید  ٹیکس  فری   جوانیں  بجٹ   پیش  کنگ ءِ پد ءَ اقتصادی  ٹیمب  ءِ  توسیپ  کنان ءَ  گوشتگ کہ   معیشت  ءِ  گہتری  ءِ سک باز  پکار  انت، اے سیاسی برجائی  ءَ چہ   بوت کن  انت،   جوانیں معیشت   الس ءِ وشھالی  ءُ دیمروئی ءِ ایوکیں  کشک انت،  سرکاری  مزور  آنی پگار   ءِ تہ ءَ   35  درسد  ءَ تاں   ءُ  پنشینر آناں  17.5   درسد  گیشی  ءِ نمونگ ءَ ریلیف   داتگ۔ شمبے ءِ روچ ءَ وتی  ٹویٹ ءَ مزن  وزیر  محمد  شہباز شریف  ءَ گوشتگ کہ  سیلاپ  ءَ چہ آماچیں دمگ آناں  ریلیف  ءُ برجائی،  میاں   اوستمانی سپلائی  چین ءَ  پینگ   ءُ جیوسٹریٹجک  مٹ   ءُ بدلی آں چہ پیداک  بوھوکیں  یک شلیں جیڈھ  آنی رد ءَ    آیوکیں  مالی سال  ءِبجٹ   جوڑ   کنگ  ھاسیں رنگ ءَ یک شکیں  کار ءِ بوتگ۔  عمران نیاز ی  ءِ  نیمگ ءَ چہ پیداک بوھوکیں سیاسی   نہ وشی آنی  ھلاس نہ بوھوکیں  رچ  ءَ معیشت  ءَ را  تاوان  پجارینتگ ءُ   نہ  وشیں  جاور ھال  پیداک  کتگ   ھمے وڑ  کہ ملک ءَ  یک سالے ءَ چہ گیش  وھد ءُ پاس ءَ چہ  سکی    آنی آماچ بوتگ۔  مزن  وزیر ءَ گوشتگ کہ بجٹ  معیشت  ءِ دراج بریں     نادراھی آنی    علاج  کنگ ءِ  بندات  ءِ   سروکی ءَ کنت۔  لس حکومت ءَ   اے شوبگ آناں   ترجی  داتگ  ایش اقتصادی دیمروئیءَ را  ترند  کنگ، سرمایہ کاری  ءِ نیمگ ءَ دلگوش  کنگ ءُ معیشت  ءَ را   وت  مستر  جوڑ  کنگ  ازمکاری است انت۔