اسلام آباد۔ 09 جون (اے پی پی) بروک آ مالی سال 2023-24کن سرکاری بشخ انا شونداری پروگرام (پی ایس ڈی پی ) نا رداٹ زرکاری بورڈ انا 2 برجا و 2 پوسکن آڈٹ آتیکن جم وڑاٹ 1114.760 ملین روپئی جتا کننگانے۔ جمعہ نادے آ جاری کروک سرکاری بشخ انا خزانہ شونداری پروگرام نا دستاویز نا رداٹ چین پاکستان اکنامک کوریڈور انڈسٹریل کارپوریشن ڈویلپمنٹ پروجیکٹ مینجمنٹ یونٹ نا جوڑ کننگ کن 44.368 ملین روپئی وخت اس کہ سیکٹر میپنگ اینڈ ریگولیٹری ٹرانسفارمیشن (سمارٹ) کن 150 ملین روپئی جتاکننگانے۔ بروک آ مالی سال 2023-24کن زرکاری بورڈ انا 2 پوسکن آ ڈٹ ہرافتے ٹی اسلام آباد ماڈل اسپیشل اکنامک زون نا ڈغار و فیزیبلٹی کن 405.632ملین روپئی و اسپیشل اکنامک زون اٹی ون سٹاپ سروس نا جوڑ کننگ کن 514.760ملین روپئی جتا کننگانے۔ اوکان پد زرکاری بورڈ انا 2 پوسکن آڈٹ آتیکن جم وڑاٹ 920.392 ملین روپئی جتا کننگانے۔
