اسلام آباد۔ 09 جون (اے پی پی) بنجائی حکومت بروک آ مالی سال 2023-24نا سالانہ بجٹ اٹی سرکاری بشخ انا شونداری پروگرام (پی ایس ڈی پی ) نا رداٹ مواصلات ڈویژن نا3 برجا و 3 پوسکن آ ڈٹ آتیکن جم وڑاٹ 360.390ملین روپئی جتا کرینے۔ جمعہ نادے آ جاری پی ایس ڈی پی نا جاری دستاویز نا رداٹ مواصلات ڈویژن نا 3 برجا ڈٹ آتیکن 184.290ملین روپئی جتا کننگانے۔ ہرافتے ٹی کنسٹرکشن ٹیکنالوجی ٹریننگ انسٹیٹیوٹ (سی ٹی ٹی آئی) اسلام آباد اٹی 200 طالب علم آتیکن ہاسٹل نا تفنگ، رحیم یارخان انٹرچینج ایم۔ 5 آ ایس ایس ٹی آفس و ایلو آسراتی تا جوڑ کننگ، شیرشاہ انٹرچینج ایم۔ 5 سیکٹر 1 آ آسراتی تا جوڑ کننگ نا ڈٹ آک اوار ءُ۔ 3 پوسکن آ ڈٹ آتیکن 178.100ملین روپئی جتا کننگا۔
