اسلام آباد۔ 08 جون (اے پی پی) وزیراعظم نا خصوصی کمکار عطاتارڑ پارینے کہ عمران خان ءِ توشہ خانہ ، القادر ٹرسٹ و کرپشن نا ایلو کیس آتیٹی جوابدہ مروئی تمک، پی ٹی آئی ءِ اِلوک ہنوک آتے سلام پیش کیوہ،او غداری نا لیبل ءِ خلنگ نا جاگہ غا ریاست تون سلوک ءُ۔ او پنچ شنبے نادے آاسلام آباد ہائی کورٹ نا پیشن صحافی تتون گپ وتران کریکہ۔ وزیراعظم نا خصوصی کمکار عطاتارڑ پارے کہ لاڈلہ کان ہندا تاخیری چم آتا سیبو ءِ ہلک، اگہ او زندان اٹی مسکہ تو بلوچستان اٹی اسہ شرفمند ءُ وکیل اسے نا قتل متوکہ، دا کیس اٹ کہوک آنا مار عمران خان ءِ ایف آئی آر اٹی پن کرینے۔ اوپارے کہ کریمنل مائنڈڈ دا سمجھنگ ءِ کہ اونا وجود ریاست آن بھلن ءِ ولے دا اونا آمخی ءِ ۔ اوپارے کہ ننے مستین نا بدترین دور اٹ پنچ مخلوق ہلسا ہناسر ولے او ہراتم پدی بسر تو نن اوفتے است انا حب اٹ بخیر کرین۔ اوپارے کہ جہانگیر ترین گروپ نا بھاز انگا مخلوق ننتون تفوک ءُ و کابینہ نا بشخ ءُ، آخبت اٹ ہم اوفتے تون چلینگنہ۔ پاکستان مسلم لیگ ن نا راہشون محسن شاہنواز رانجھا پارے کہ عمران خان نا وکیل نا کنڈآن ہرا تاثر ءِ تننگاکہ 120 دے آن پد گوشوارہ چیک مننگ کپسہ، دا اسُل غلط ءِ ، نن اسپیکر نا مون آ تینا ریفرنس ءِ پیش کرین ہراڑا اسپیکر قومی اسمبلی باندات ءِ الیکشن کمیشن آ گدریفے، داوڑنا حالیت آتیٹی 120 نا پابندی لاگو مفک۔ اوپارے کہ عدالت عظمیٰ نا ہم دا بابت نجیب الدین اویسی فیصلہ نا ساڑی گری ٹی ہچ ءُ گنجائش اس اف کہ کریمنل کیس اٹ حکم امتناعی تننگے۔ اوپارے کہ الیکشن کمیشن نا فیصلہ نا 10 تُو آن پد ہم کیس مون آ ہِنپننگ ءِ اوڑان چپ محمد نواز شریف نا کیس آتا ہڑدے ئی بنداو آ سماعت مسکہ، الیکشن آن مست فیصلہ کننگا، دا خصوصی ٹریٹمنٹ ننا سمجھ آن پیشن ءِ۔
