اسلام آباد۔ 08 جون (اے پی پی) ترجمان دفترخارجہ ممتاز زہرا بلوچ پارینے کہ ترکمانستان نا ڈل انا دورہ ءِ پاکستان اٹی گپ وتران اٹی توانائی نا بشخ اٹی ہڑتوم آکنڈآتا کمکاری آ چکار کننگک۔ داہیت ءِ ترجمان پنچ شنبے نادے آ داڑے پریس حوال اٹی پارے۔ اوپارے کہ ترکمانستان نا اسہ بڑزکو کہولی ڈل وزیر مملکت و ترکمان گیس انا چیئرمین نا کماشی ٹی مسہ دے ئی دورہ غا تدوک آ دے پاکستان آ سرمسنے۔ اوپارے کہ گپ وتران اٹی توانائی نا بشخ اتی ہڑتوم آ کنڈآتا کمکاری بشمول ترکمانستان۔اوغانستان۔پاکستان۔بھارت (تاپی) گیس پائپ لائن وترکمانستان۔اوغانستان۔پاکستان پاور ٹرانسمیشن لائن پروجیکٹ آ چکار کننگک ۔ اواومیت ظاہر کرے کہ ہڑتوم آ فریق (تاپی) پائپ لائن پروجیکٹ نا ترند رفتار عمل درآمد کن ’’اسیجائی عملدرآمد پلان‘‘ ءِ گڈیکو دروشم اس ایترہ۔ اوپارے کہ ڈٹ انا پوروی پاکستان نا عزم اتون اوار اوار اڑزان ، قابل پت و پائیدار توانائی کن اونا عزم انا ڈیک مریک۔
