لندن۔ 08 جون (اے پی پی) بنجائی وزیر واپار سید نوید قمر پاکستانی نژاد برطانوی بزنس کمیونٹی ءِ ملک اٹی کٹیائی کاروباری وارخواہی تیان فائدہ ہرفنگ و زرکاری نا سلہ خلسا پارینے کہ پاکستان اٹ منافع بخش زرکاری نا بے شمار وارخواہی ارے۔ اوداہیت ءِ لندن اٹی پاکستانی نژاد برطانوی بزنس کمیونٹی تون اوڑدہی ٹی پارے۔ اوپارے کہ پاکستانی نژاد ءِ تینا ملک اٹی منافع بخش کاروباری وارخواہی تیان فائدہ ہرفنگ و زرکاری کننگ ناسلہ خلینہ۔ پاکستان اٹ منافع بخش زرکاری نا بے شمار وارخواہی ساڑی ءِ۔ اوپارے کہ پاکستان اٹ ساڑی برطانوی کاروباری شخص آک بھاز سرسہبی دوئی کریر ، ملک انا شونداری و شونہالی ٹی پاکستانی نژاد برطانوی بزنس کمیونٹی نا مثبت کڑد انا ہم ستاءِ کینہ۔ نوید قمر پارے کہ پاکستان نا برطانیہ ٹی برآمد2 بلین ڈالر نا تاریخی مزل ءِ عبور کرینے، دا شاندار سرسہبی 197 درسد نا بھلا ودکی ءِ ظاہر کیک۔
