اسلام آباد۔ 08 جون (اے پی پی) پاکستان، چین و ایران نا انسداد دہشت گردی و سلامتی نا بابت اولیکو سہ فریقی سلابتی دیوان تدوک آ دے بیجنگ اٹ ڈائریکٹر جنرل نا کہول آ اڈہلک۔ دفترخارجہ نا ترجمان پنچ شنبےنادے آ داڑے پریس حوال اٹی پارے کہ سہ فریقی سلابتی دیوان اٹی وزارت خارجہ نا ڈائریکٹر جنرل (کاؤنٹر ٹیررازم) عبدالحمید پاکستانی ڈل انا کماشی ءِ کرے۔ ڈل علاقائی سلامتی نا حالیت خاص وڑاٹ ڈیہہ ءِ مون تروک دہشت گردی نا خطرہ غا سرجمی اٹ گپ وتران کرے۔ ترجمانپارے کہ سلابت نا نتیجہ غاتا بنداو آ فریق آک انسداد دہشت گردی و سلامتی نا بابت سہ فریقی سلابت ءِادارہ جاتی جوڑ کننگ نافیصلہ کرینے۔
