راولپنڈی۔ 08 جون (اے پی پی) اینٹی نارکوٹکس فورس (اے این ایف ) مچ آ ملک اٹی منشیات تور کارروائی تیٹی بھلو کچ اسے ٹی منشیات دوئی کرے۔ ترجمان اے این ایف نا رداٹ راولپنڈی ٹی واقع نجی کوریئر آفس اٹی پارسل اسے آن 50 گرما ویڈدوئی کننگا۔ دوئی ووڈ اِرا دانہ پلاسٹک نا لفافہ غاتیٹی اودیم کننگاسس۔ ہندا پارسل آتے برطانیہ غان جہلم کن بک کرفنگاسس۔ ملتان بالی پٹ آ مسافر اسے نا بیگ آن 986 گرام چرس دوئی کننگا۔ قطبی وزیرستان نا ہنکینی دوبہ دار بذریعہ پرواز نمبر PK-221دبئی کن روانہ مسکہ۔ داکان بیدس قلعہ عبداللہ نا علاقہ ٹوبہ اچکزئی ٹی چھاپہ مار کارروائی ٹی 129 لیٹر ممنوعہ کیمیکل دوئی کننگا۔ دوئی کیمیکل آتے چندی منشیات جوڑ کننگ کن کاریم اٹ اتنگک۔ اسہ پین کارروائی اسے ٹی گوادر نا غیر آباد علاقہ مذانی آن جھاڑی تیٹی اویم کروک 36 کلو چرس دوئی کننگا۔ دوئی منشیات آتے پیشن نا ملک اسمگل کننگ نا غرض اٹ کوڑی کننگاسس۔ ترجمان اے این ایف پارے کہ منشیات تور ایکٹ نا رداٹ مقدمہ درج کرسا جاست وپاست نا بنا ءِ کننگانے۔

متعلقہ مضامینمصنف کی طرف سے مزید