اسلام آباد۔ 26 مئی (اے پی پی) بنجائی وزیر داخلہ رانا ثناء اللہ خان پارینے کہ ممنوعہ علاقہ غاتیا ہنوک آ، گدریفوک آ و ہِننگ اٹی کمک کروک آڑا ملٹری ایکٹ لگک، آفیشل سیکرٹ ایکٹ و ملٹری ایکٹ نا اطلاق ہموڑے مریک ہرادفاع تون تعلقدار جاگہ مرے وخت اس کہ جناح ہاؤس کور کمانڈر نا ہنکین گاہ و کیمپ آفس ئسک، ہموڑے بھاز حساس انگا گڑاک ہم ئسرہ، جناح ہاؤس آن ہرفوک آ گڑا اگہ ہمسایہ ملک اسے آن کاریم اٹ اتنگے تو انت او سیاسی برانز مریک ، کینٹونمٹس نا علاقہ، دفاعی تنصیب آتیا جلہو کروک آتا ٹرائل آرمی ایکٹ نا رداٹ مریک ، سرکاری ملکیت آتے نسخان تننگ، پرغ و بٹ کروک آتا کیس آتے سول و خصوصی عدالت آتیٹی چلفنگک،پنجاب و کے پی کے نا 33 بندغ ءِ فوجی کمامدارآتا دوٹی تننگانے ہرافتا برخلاف فوجی عدالت آتیٹی ٹرائل مریک، 499 آن بیرہ 6 ایف آئی آر ءُ ہرافتیا پراسس کننگ انگ ءِ، بیرہ 6 ایف آئی آر نا ٹرائل ممکنہ وڑاٹ ملٹری کورٹ اٹ مننگ کیک۔ او جمعہ نادے آ داڑے پریس کانفرنس آن تران کریکہ۔ وزیرداخلہ رانا ثناء اللہ پارے کہ خار انا سیاست اسہ ناسور اسے نا وڑ راج اٹ داخل کننگاکہ و اسہ پروگرام اسے نا رداٹ پاکستان نا سیاست ءِ گندا کننگ نا کوشست برجائسک، اسہ پروگرام اسے نا رداٹ ملک انا دارالحکومت ءِ سیز کروئی ئسک۔ اوپارے کہ عمران خان اسہ سال آن پدریسہ خار انا سیاست کریکہ، او دے خار انا سیاست اٹ 25 مئی آ اسلام آباد آ جلہوکروئی ئسک۔ اسہ پروگرام اسے نا رداٹ مخلوق ءِ پیٹرول بمب اس جوڑ کننگ نا ٹریننگ تننگا۔
