مزن وزیر محمد شہباز شریف  ءَ گوں بلوچستان  نیشنل پارٹی  ءِ سروک سردار اختر مینگل  ءِ گند ءُ نند

اسلام آباد۔28اپریل  (اے پی پی): مزن وزیر   شہباز شریف  ءَ گوشت کہ پاکستان ءِ دیمروئی  بلوچستان ءِ دیمروئی ءَ گوں  بندوک انت،   ازمکاریں  ورنا  ملک ءِ  گران بھائیں  مڈی  انت  ایشانی دیمروئی حکومت ءِ اولی   ترجی  انت۔  اے ھیالانی درشانی آئی  ءَ  بلوچستان   نیشنل پارٹی  ءِ سروک  سردار اختر  جان مینگل  ءَ  گوں تران  کنان ءَ کت آئی ءَ آدینگ ءِ  روچ ءَ   ادا   مزن وزیر کارگس  ءَ آئیءَ گوں گند  ءُ نند کت۔ گند ءُ نند  ءَ سردار  اختر مینگل   ءَ  مزن وزیر ءَ   بلوچستان  ءِ الس  ءُ گچین بوتگیں نماھندگ  آنی نیمگ ءَ  مزن وزیر  ءَ را  ملک  ءِ رکھینگ  ءُ ل بلوچستان  ءِ دیمروئی   گامگیج آنی   سر ءَ  سرجمیں دل  یکیمی  ءِ درشان کت۔   مزن وزیر ءَ گوشت کہ پاکستان  ءِ دیمروئی  بلوچستان   ءِ دیمروئی ءَگوں  بندوک انت،   ازمکاریں  بلوچ  ورنا  پاکستان ءِ   گران  بھائیں  مڈی  انت  ایشانی دیمروئی   حکومت ءِ  اولی ترجی  انت۔  گوادر  دکہ  ءِ دیمروئی   ءِگوما  گوادر ءِ   ھندی  مردم آناں  میاں  اوستمانی کد ءُ بالاد ءُ  وڑ  ءُ پیمیں  شہری  آسراتی     پجاری ءِ  واستہ   شپ ءُ روچ   کوشست ءَ انت۔   سرداسر اختر  مینگل   ءَ گوشتگ کہ پاکستان ءِ   تاریخ  ءَ اولی رند ءَ  مزن وزیر   شہباز شریف  ءَ بلوچستان  ءِ  ورنا   آنی  دیمروئی   ءُ وشھالی ءَ را وتی  اولی  ترج  پھم اتگ،  سیلاپ  ءِ ساھت ءَ  مزن  وزیر  ءَ   بلوچستان  ءِ دمگ آنی وت  تر ءُ تاب  کتگ ءُ  مردم آنی ھال پرسی  کتگ،  اے  رنگ ایشی   ءَ چہ پیسر  کدئی نہ  بوتگ۔  آئیءَ گوشت کہ  مزن وزیر محمد شہباز شریف   ءَ گوستگیں یک   سالے ءَ  ملک ءَ  ٹوھیں  ڈکال  ءُ  سکی   ءُ  کدرتی  سیلاپ آں  چہ  ابید  ملکی  معیشت  ءَ را  برجا  ءُ برجم  کتگ۔