سوڈان آن غٹ پاکستانی تا حفاظت اٹ پدی اتنگ اسکان پبی جوزہ اٹ کاریم ءِ برجاتخنگے، وزیراعظم نا پارت

اسلام آباد۔ 28 اپریل (اے پی پی) وزیراعظم محمد شہباز شریف سوڈان آن پاکستانی تا حفاظت اٹ کشنگ نا کوشست آتا ستاءِ کرسا پارت کرینے کہ غٹ پاکستانی تا حفاظت اٹ پدی اتنگ اسکان پبی جوزہ اٹ  کاریم ءِ برجاتخنگے۔ جمعہ نا دے آ وزیراعظم آفس نا میڈیا ونگ آن جاری بیان نا رداٹ وزیراعظم پاکستانی تا سوڈان آن حفاظت اٹ وطن آ پدی اتنگ آ منت واری نا درشانی ءِ کرےو  پاکستانی تا پدی اتنگ نا آپریشن اٹی شریک آئی ایس آئی تون اوار غٹ فورس آتے خراج تحسین ہم پیش کرے۔ وزیراعظم 847 پاکستانی تا حفاظت اٹ سوڈان نا بندرگاہ غا سرمننگ آ است جمی نا درشانی ءِ کرے و107 پاکستانی تا جدہ غا سرمننگ آ منت واری نا درشانی ءِ کرے۔ وزیراعظم جدہ ٹی سرکاری ہنکین و پاکستانی تے پدی اتنگ کن پاک فضائیہ نا بست و بند آتا ہم ستاءِ کرے۔ وزیراعظم وزیرخارجہ بلاول بھٹو، وزیر مملکت خارجہ حناربانی کھرو سیکرٹری وزارت خارجہ ءِ خراج تحسین پیش کرے۔ وزیراعظم سوڈان اٹی پاکستانی سفیر، میر بہروز ریگی، ہیڈ آف چانسری محمد سعید، ڈیفنس اتاشی کرنل محمد ہارون، کمرشل اتاشی عطاء اللہ ءِ ہم خراج تحسین پیش کرے۔ وزیراعظم سوڈان اٹی پاکستانی سفارت خانہ نا عملہ محمد بلال شفیق و راشد خان ءِ ہم خصوصی شاباشی تس۔ وزیراعظم ٹیم ءِ پارت کرے کہ سوڈان آن غٹ پاکستانی تا حفاظت اٹ پدی اتنگ اسکان پبی جوزہ اٹ کاریم ءِ برجاتخے۔