اسلام آباد۔19اکتوبر (اے پی پی): دیمپانی ءِ وزیر خواجہ محمد آصف ءَ بلوچستان ءِ جیڑہ ءِ سرءَ راستی ء ُ مفاہمت کمیشن یا مزن تک ءِ کمیشن جوڑ کنگ ءِ سوج ءَ را من اِت۔ چارشمبے ءِ روچءَ راجی اسمبلی ءِ تہا ھیال ء ُ لیکہ ءِدرشانی کتگء ُ بنجاہی وزیرءَگشتگ کہ اخترمینگل ءَ کہ اے بحث ءِ درشانی کتگ اے تنا لھتیں گوشتانکانی سرءَ مابیت ، منی سوج ایش اِنت کہ سپریم کورٹ، ہما آمید گس کہ آئی ءِ سیادی چہ بلوچستان ءَ بہ بیت، آئی ءِ سروکیءَ اے وڑیں کمیشن جوڑ کنگ بہ بیت ء ُ آئی ءِ ھاترءَ ٹی او آر ہم گیشینگ بہ بیت۔ دیمپانی ءِ وزیرءَگشتگ کہ ناشرکاری ءِحلاپ ءِ جنگ ءَ پاکستان ءَ اینچو قربانی داتگ کہ دگہ ایچ ملک ءَ ناداتگ۔ گوستگیں سئے ماہ آنی تہا مئے 53 فوجی افسر ء ُ ورناہ آں قربانی داتگ، اے قربانی آنی داستان اِنت۔ ناشرکاری ءِ حلاپ جنگ ءَ پاکستان ہمک اولی دستہ ءِ وڑ ءَ جنگ کنگ ءَ اِنت، مارا وتی قربانی زوال کنگی نااَنت۔ دیمپانی ءِ وزیر ءَگشتگ کہ ملتان نادراہ جاہ ءَ کہ اے وئیل بوتگ ایشی ءِ سرءَ سرجمیں راج ءَ را شرمندگ کنگ بوتگ، منی پنجاپ حکومت ءَ گوں دزبندی اِنت کہ آ اے وئیل ءِ تحقیقات ءَ بہ کنت، درائیں لاوارثیں جونانی ڈین این اے کنگ بہ بنت۔ دیمپانی ءِ وزیرءَ گشتگ کہ کمیشن ءِ ہوالگءَ آ بنجاہی کابینہ ءِ تہا ہم گپ کنت۔
