اسلام آباد۔19اکتوبر (اے پی پی):مزن وزیر محمد شہباز شریف ءَ گوشت کہ ما اے وھد ءَ ماحولیاتی مٹ ءُ بدلی ءَ چہ بوھوکیں تباہی آنی ھلاپ ءَ جنگ ءَ آں، سیلاپ ءَ چہ پد برجائی ءِ منصوبگ آنی واستہ اربانی کلدار ءِ وام پکار انت۔ چار شمبے ءَ مزن وزیر کارگس ءِ اکاونٹ ءِ نیمگ ءَ جاڑی بوتگیں سیلاپ ءَ چہ آماچیں دمگ آنی تہءَ اوشتاتگیں آپ ءِ اکس ءِ گوما کتگیں ٹویٹ ءَ گوشگ بوت کہ مزن وزیر محمد شہباز شریف ءَ فنانشل ٹائمز ءَ را وتی انٹرویو ءَ گوشت کہ ھرچی مئے لوٹ انت ءُ ھرچی مارا رسگ ءَ انت ایشانی تہ ءَ ٹوھیں پرک ات، ما ماحولیاتی مٹ ءُ بدلی ءَ چہ بوھوییں تباہی ءِ ھلاپ ءَ جنگ ءَ آں ءُ ما ایشی ءِ آماچ آں، مرچی ما اگاں ایشی ءِ آماچ آں گڈا بادات دگہ ملک ءِ ایشی ءِ آماچ بوت کنت ءُ اے نہ لوٹاں کہ کہ اے وڑ بہ بیت۔ مزن وزیر ءَ گوشت کہ سیلاپ ءَ چہ پد پاکستنا ءَ را برجائی ءِ واستہ اربانی کلدار ءِ وام پکار اِنت۔
