اسلام آباد۔19اکتوبر (اے پی پی): مزن وزیر شہباز شریف ءَ گوشتگ کہ پاکستان وتی ڈنی وام آناں ری شیڈودل کنگ ءِ کوشست ءَ کنگ ءَ نہ انت بلکینگ ءَ ایشرا سیلاپ ءَ چہ آماچیں دمگ آنی تہ ءَ سڑک ، پل ءُ ایندگر انفراسٹرکچر ءِ جوڑیشت وڑیں ٹوھیں منصوبگ آنی واستہ بازیں زر ءُ کلدار ءِ پکار انت، سائنسدان آں سیلاپ ءَ را موسمیاتی مٹ ءُ بدلی ءِ آسر آنی نتیجگ نامینتگ۔ ما ایوک ءَ موسمی انصاف لوٹ کنگ ءَ آں، ھک آناں پلیکگ ءُ ورگ نہ گوشگ ءَ آں۔ لاہور ءَ وتی گس آنی سر ءَ “فنانشل تائمز” ءَ را یک انٹرویو ءَ مزن وزیر ءَ گوشت کہ ما اچ رنگ ءَ گامگیج آں ھوار ری شیڈولنگ یا موریٹوریم ءِ واستہ نہ گوشگ ءَ آں بلکینگ ءَ اضافی فنڈز لوٹ کنگ ءَ آں۔ آئی ءَ گوشتکہ مئے لوٹ ءُ ھرچی مارا رستگ ایشانی نیام ءَ ٹوھیں پرک ءِ است انت ایش ھمروچ گیش بوھگ ءَ انت۔ مزن وزیر ءَ گوشت کہ آ پکوئیں رنگ ءَ پگر مند انت چیا کہ اگاں دل یکیمی نہ بوھگ ءَ چہ سیاسی نہ وشی برجائیءِ سبب جوڑ بیت ءُ ما وتی بنیاتی لوٹ ءُ سیم سر آناں پیلو کت نہ کناں گڈا سہرا انت کہ ٹوھیں جیڈھ جوڑ بوھگ ءِ سبب بنت۔ آئی ءَ گوشت کہ ایش کجام ھم رنگ ءُ نمونگ ءِ ھوپ ءِ رد ءَ نہ گوشگ ءَ آں بلکینگ ءَ ایشی ءِ گواچنی امیت است اِنت۔ مزن وزیر شہباز شریف ءَ گوشتگ کہ ما ایوک ءَموسمی انصاف ءِ لوٹ ءَ کنگ ءَ آں، ما “معاوضہ ” لبز ءَ بلکل کارمرز نہ کنگ ءَآں۔ آئی ءَ گوشتگ کہ پاکستان ھرچ کجا بوت کنگ گیشیں فنڈ در جنت۔ ما موسمی مٹ ءُ بدلی ءَ چہ بوھوکیں تباہی ءِ آماچ اَنت ءُ ایشی ءِ ھلاپ ءَ جنگ ءَ آں، باندا دگہ ملک ءِ ھم بوت کنت ءُ ما نہ لوٹاں کہ اے رنگ بہ بیت۔
