اسلام آباد۔18اکتوبر (اے پی پی): مزن وزیر محمد شہباز شریف ءَ ماحولیاتی مٹ ءُ بدلی ءِ جیڈھ آنی بابت ءَ بنجاھی زمہ وارآنی نیام ءَ گہتریں یکوئی ءِ ضلورت ءِ سر ءَ زور پر دیان ءَ گوشت کہ پاکستان ل موسمی مٹ ءُ بدلی ءِ درستاں چہ گیش آماچ بوھوکیں 10 ملک آنی لڑ ءَ ھوار انت، رسک میپنگ ءُ موسمیاتی مالیات ءَ تاں رسائی ءِ گوما تاوان آنی کچ ءُ کساس جنگ ءِ ازم ءَ را گہتر جوڑ کنگ لوٹ ائیت۔ اے ھیالانی درشانی آئی ءَ سئے شمبے ءَ پاکستان موسمی مٹ ءُ بدلی کونسل (پی سی سی سی) ءِ اولی دیوان ءِ سروکی ءَ کنان ءَ کت۔ دیوان ءَ بنجاھی وزیر برائے ماحولیاتی مٹ ءُ بدلی شیری رحمان، بنجاھی وزیر اھوالکاری ءُ شنگ کاری مریم اورنگزیب، بنجاھی وزیر برائے آپی آسراتی سید خورشید شاہ، بنجاھی وزیر توان انجینئر خرم دستگیر، مزنو زیر آزات جموں کشمیر سرداسر تنویر الیاس، صوبگ، گلگت بلتستان، آزات جموں کشمیر ءِ حکومت آنی وزیر ءُ کارندہ ، کلانہ ایں موسم زانت، ءُ سول سوسائٹی ءِ باسک آں بھر زوری کت۔ مزن وزیر ءَ موسمی مٹ ءُ بدلی کونسل آنی جوڑ کنگ ءِ ھوالگ ءَ وزارت ءِ موسمی مٹ ءُ بدلی ءِ گامگیج آناں ساڑاھان ءَ بنجاھی وزیر برائے موسمی مٹ ءُ بدلی ءِ نیمگ ءَ چہ میاں اوستمانی تک ءَ موسمی مٹ ءُ بدلی ءِ ھوالگ ءَ چہ کتگیں گامگیج آناں ساڑات بنجاھی وزیر برائے موسمی مٹ ءُ بدلی ءِ نیمگ ءَ میاں اوستمانی تک ءَ موسمی مٹ ءُ بدلی ءِ بابت ءَ پاکستان ءِ کیس ءَ را گہتریں رپک ءَ پیش کنگ ءِ پد ءَ آئی ءِ توسیپ کت۔
