وزیر ءِ  تہی کار رانا ثنا ء اللہ خان  ءَ  سعودی  وزارت ءِ تہی کار  ءِ کلانہ ایں  کارندہ آنی ڈل ءِ  گند ءُ نند ،  پاک سعودی عرب   دو نیمگی یکوئی  آں  ھوار  وت مہ وتی  واھگی کار آنی  بابت ءَ  گپءُ تران

اسلام آباد۔18اکتوبر (اے پی پی): بنجاھی وزیر  تہی کار  رانا  ثنا  ء اللہ خان ءَ گوں  سعودی عرب  ءِ وزارت ء،  تہی کار ءِ کلانہ ایں کارندہ آنی ڈل ءِ  گوما گند ءُ نند کت،  گند  ءُ  نند ءَ پاک سعودی دو نیمگی یکوئی   آں ھوار  واھگی  کار آنی  بابت ءَ  تران  کنگ بوت۔  پاکستان ءَ پوسٹیگیں  سعودی  سفیر   نواف بن سعید  المالکی  ھم گند ءُ نند ءَ ھوار اَت۔  گند  ءُ نند ءَ بنجاھی  سیکرٹری  تہیکار  یوسف  نسیم  کھوکھر ءُ وزارت ءِ تہی کار  ءِ ایندگر  کارندہ ھم ساڑی اتنت۔  سعودی سفارتکار  حسن  القحطامی  ءِ کوش ءِ  پٹ  ءُ پول  ءُ مجرم  آنی دزگیری  ءِ ھوالگ ءَ  دیمروئی  گامگیج  آنی سر ءَ چار  ءُ تپاسی  گت۔   پاکستان  ءُ سعودی عرب  ءِ نیام ءَ  روڈ  ٹو مکہ پروجیکٹ   ءِ  منوگری آنی  ھوالگ ءَ  استیں  گامگیج  آنی سر ءَ  چار ءُ  تپاسی گپت۔  پاکستان سعودی  روڈ  ٹومکہ  پراجیکٹ  منوگری   ءِ  سر ءَ  دست چنگل  جنگ ءِ  سر ءَ تپاک  کنگ بوت۔   بنجاھی وزیر  تہی کار  ءَ استیں  سیلاپ ءَ   چہ آماچیں  مردم آنی واستہ    زوتاں زوت  بنی آدم آنی  کمک  دیگ ءِ   ھوالگ  ءَ  سعودی حکومت ءِ شگر ءُ منت واری  گپت۔  وزیر ءِ  تہی کار  رانا ثنا  ء اللہ   ءَ گوشت کہ پاکستان  ءُ سعودی  عرب  ءِ نیام ءَ   سیکورٹی  کمک آناں  گیش  ودیناں۔ سعودی  عرب ءَ پاکستان ءِ سکیں سات آناں مدا  م  گوں  پچیں  دل ءَ   کمک کتگ۔ سیلاپ   ءِ آماچیں مردم آناں  وھد ءُ موہ ءِ سر ءَ  کمک    کنگ ءَ چہ حکومت ءَ را  آماچیں  مردم آنی برجائی ءِ   بابت ءَ کمک  رستگ۔  کر گزار آں۔  سعودی  کارندہ  آں سفارت کار  حسن  القحطانی ءِ  کوشس ءِ ھوالگ ءَ  پٹ ءُ پول   آنی  بابت ءَ دل یکیمی  ءِ درشان کت۔  سعودی  کارندہ آں  مجرم آنی زور دزگیری  ءِ دل یکیمی  دیگ ءِ پد ءَ وزیر ءِ تہی کار  رانا ثناء اللہ  ءِ  شگر ءُ  منت واری  گپت۔