اسلام آباد۔18اکتوبر (اے پی پی):فرانس ءَ پاکستان ءَ سیلاپ ءَ چہ آماچیں دمگ آنی بنی آدم دوستی بنیات ءَ کمکی کاروائی آنی ھاترا 10 لکھ یورو گیشینگ بوتگ۔ پاکستان ءَ فرانس ءِ سفیر نکولس گیلے ءَ گوشت کہ فرانسیسی حکومت ءَ پاکستان ءِ سیلاپ ءَ چہ آماچیں مردم آنی واستہ سئے گیر سرکاری میاں اوستمانی ادارگ آناں 10 لکھ یورو گیشینتگ انت۔ فرانس ءِ سفیر ءَ وتی گس ءَ ھال در آنی نماھندگ آں گوں تران کنان ءَ کت اے کمک ھمزوریں گس آناں کمک پجاری ءِ واستہ جانی تاوان آناں کم کنگ ءُ سیلاپ ءَ چہ آماچیں دمگ آنی تہءَ مردم آنی ھمروچگیں زندمان ءَ را گہتر کنگ ءَ کمکار سہرا بنت۔ آئی ءَ گوشت کہ اے کمک فرانس ءِ نیمگ ءَ چہ سیلاپ ءَ پد پاکستانی الس آناں دلبڈیں کمک ءِ بھر انت۔ سفیر ء۔ گوشت کہ فرانس ءِ صدر میکرون ءَ پاکستان ءَ ٹوھیں سیلاپ ءِ آماچیں مردم آنی گوما اگست ءَ وتی ءُ فرانس ءِ نیمگ ءَ گیشاں چہ گیش یکوئی ءِ درشا کت۔ آئی ءَ گوشت کہ فرانس ءِ مالی کمک سندھ ءِ قمر شہداد کوٹ ءُ خیر پور ءِ ضلع ءِ سیلاپ ءِ آماچین مردم آنی کمکی کاروائی ءَ ابید مردم آناں وردن ءُ وراک ءِ رکھینگ ءَ ابید ایشی ءَ چہ کساس 30 ہزار مردم آناں سیت رسیت۔ فرانسیسی سفیر ء۔ گوشت کہ فرانسیسی میاں اوستمانی گیر سرکاری ڈل وتی پاکستانی شریکدار آنی گوما یکجائی ءَ سیلاپ ءَ چہ آماچیں کمیونٹیز آناں بنی آدمی کمک پجاری کنگ ءَ ارزشتیایں کرد پیلو کنگ ءَ انت، اے مالی کمک فرانس ء، نیمگ ءَ چہ پجاری کتگیں ایندگر کمک آں ابید انت۔ فرانس ءِسفیر ء۔ گوشت کہ فرانسیسی حکومت ءَ سندھ ءَ لاپ پُریں ءُ شیر میچینوکیں زالبول آنی واستہ یک مھکمیں نیوٹیشن سیفٹی نیٹ پروجیکٹ ءِ واستہ ورلڈ فوڈ پروگرام ءِ واستہ گیشیں یک 1 ملین یورو گیشینتگ اَنت۔
