مزن وزیر محمد  شہباز شریف  ءَ گوں  بنجاھی وزیر  زرئی  کار  فیصل  سبزواری  ءَ گوں گند ءُ نند،   مزن وزیر  ریلیف  فنڈ  ءَ سئے کروڑ  32 لکھ   ءِ جتا جتائیں  چیک  پیش  کت

اسلام آباد۔18اکتوبر  (اے پی پی): مزن وزیر  محمد شہباز شریف  ءَ گوں بنجاھی وزیر زرئی کار فیصل  سبزواری  ءَ گند ءُ نند کت  ءُ  مزن وزیر  ریلیف فنڈ  ءَ  سئے کروڑ  32 لکھ  ءِ جتا جتائیں  چیک پیش  کت  انت۔  سئے شمبے ءَ مزن وزیر  کارگس  ءِ میڈیا  ونگ ءِ نیمگ ءَ جاڑی بوتگیں  بیان ءِ رد ءَ گند ءُ نند ءَ  زرئی کارآنی وزیر   ءَ مزن وزیر ءَ  را وزارت ءِ   ھوالگ ءَ   کار  ءُ  جاڑیگیں  گہتری کار آنی سر ءَ سرجمیں  بریفنگ  دات۔  بنجاھی وزیر  زرئی کار    ءَ  مزن وزیر ءَ را  فلڈ  ریلیف اکاؤنٹ   ءِ واستہ  کراچی  انٹر نیشنل  کنٹینر  ٹرمینل  لمیٹڈ  ءِ  نیمگ  ءَ چہ  یک  کروڑ 16 لکھ، ساؤتھ ایشیا  پاکستان  ٹرمینل   ءِ نیمگ ءَ چہ یک کروڑ  16  لکھ ءُ سی ای  او کنگز  گروپ  ءِ نیمگ ءَ چہ   یک کروڑ   کلدار  کمک دیگ ءِ چیک  پیش کتگ۔