سپیکر  راجی اسمبلی راجہ پرویز  اشرف ءِ    "سانحہ کار ساز” واکیہ  ءِ  شہید آناں  توسیپ  ءُ ستا   پیش  

اسلام آباد۔18اکتوبر  (اے پی پی):سپیکر  راجی اسمبلی  راجہ پرویز اشرف  ءَ  "سانحہ کار ساز”  واکیہ  ءِ شہید   آناں  توسیپ  ءُ  ستا پیش کت۔ آئی ءَ گوشت کہ  "سانحہ کار ساز”  ءِ شہید آں ملک ءَ جمہوریت  ءِ  برجائی  ءُ وتی   نامیرانیں شہید  محترمہ  بے نظیر  بھٹو  ءِ  حفاظت  ءِ واستہ وتی جان ءِ  نذرانہ  پیش کت۔  آئی ءَ گوشت کہ سانحہ  کار ساز  ءِ موہ ءَ   باسک آں  ھمے جوش ءُ جوزگ  ءُ  مزن  جگری ءِ گوما  وتی   سروک  ءُ رھشون   بانُک  بے نظیر بھٹو  ءِ گوما ھمگام  ءَ  اوشتاتگ انت ءُ ملک   ءَ جمہوریت  ءِ برجائی ءِ واستہ   وتی جان  ءَ را قربان  کتگ ایشی ءِ  درور نہ رس ائیت۔  آءیءَ گوشت  کہ  18 اکتوبر ،  2007   ءِ  روچ ءَ ملکی  تاریخ  ءَ سیاھیں  روچے  ءِ  رنگ  ءَ  یات کنگ بیت۔  آئیءَ گوشت کہ مرچی ءَ چہ  15 سال  پیسر  مرچگیں روچ ءَ  پاکستان پیپلز  پارٹی  ءِ شرپ مندیں  سروک  بے نظیر  بھٹو  ءِ  ایمنیں  قافلہ ءِ سر ءَ   ارش بوت  اے  سبب ءَ  بازیں مردم  شہید  ءُ ٹپیگ بوت انت۔