کور کمانڈر  کانفرنس  ءِ  پاکستان  ءِ مھکمیں  نیو کلیئر کمانڈر اینڈ  کنٹرول  سٹرکچر ءُ ملک ءِ سٹریٹجک  مڈی آنی  ھوالگ ءَ  سیکورٹی  انتظامی  آنی سر ءَ دل  یکیمی ءِ درشان

راولپنڈی۔18اکتوبر  (اے پی پی):کور کمانڈرز کانفرنس ءَ پاکستان   ءِ مھکمیں  نیو کلیئر کمانڈ اینڈ  کنٹرول  سٹرکچر ءُ ملک ءِ سٹریٹجک  مڈی آنی  ھوالگ ءَ  سیکورٹی  انتظامی آنی سر ءَ  سرجمیں  دل یکیمی  ءِ  درشان  کت،  یک زمہ واریں  ایٹمی  وتاس والا ایں  ریاستے ءِ رنگ ءَ  پاکستان ءَ وتی  ایٹمی  سلامتی ءِ نظام  ءَ را مھکم  جوڑ   کنگ ءِ واستہ  میاں اوستمانی  رپک  آنی رد  ءَ توامیں ضلوری ایں  گامگیج  کتگ انت۔   آئی ایس  پی آر ءِ رد ءَ   پاک فوج ءِ سروک  جنرل قمر  جاوید  باجوہ ءِ سروکی ءَ 252 کور کمانڈرز کانفرنس  سئے شمبے   ءَ  جی ایچ کیو راولپنڈی  ءَ برجم  بیت۔  شریکیں  باسکاں  توکی ءُ ڈنی سیکورٹی  جاور ھال  ءُ فوج ءِ آپریشنل تیاری آنی  ھوالگ ءَ  ٹوھیں  چار ءُ تپاسی  گپت۔  فورم  ءَ  را سیلاپ ءَ چہ آماچیں دمگ  ءُ ھاسیں  رنگ َ سندھ ءُ بلوچستان   ءَ سیلاپ ءَ چہ پد  جاور ھال،  ریلیف  ءُ برجائی ءِ کوشست آنی  ھوالگ ءَ سول انتظامیہ  ءَ را  توامیں  ھوپ آنی دیمپانی ءِ واستہ پاک فوج ءِ جزم  ءِ درشان کت۔ فورم  ءَ پاکستنا  ءِ مھکمیں  نیوکلیئر  ایڈ کنٹرول  سٹرکچر ءُ ملک ءِ سٹریٹجک  مڈی آنی  ھوالگ  ءَ سیکورٹی انتظامی آنی سر ءَ دل  یکیمی ءِ درشا ن کت۔ فورم  ءَ را  سرپد  کنگ بوت کہ یک زمہ واریں  ایٹمی   ملکے ءِ  رد ءَ   پاکستان ءَ وتی  ایٹمی سلامتی  ءِ نظام ءَ را  مھکم  جوڑ کنگ ءِ واستہ  میان اوستمانی گہتریں  رپک  آنی رد ءَ توامیں المی ایں گامگیج  کتگ انت۔ آرمی چیف  ء۔ سیلاپ ءَ چہ  رکھگ ءِ واستہ  پرز  آنی  پیلوئی ءِ ساھت ءَ فارمیشنز  آنی آپریشنل  تیاری ءُ  یک شلیں  کوشست آنی توسیپ کت۔