اسلام آباد۔17اکتوبر (اے پی پی):نیشنل ہیلتھ سروسز ءِ وزیر عبدالقادر پٹیلءَ گشتگ کہ حکومت انوگین ہارءِ نتیجگ ءَ تباہ بوتگیں جان ء ُ سلامتی ءِ بنیات ءِ بحالی ءِ ھاترءَدرائیں آسراتیاں کارمرز کنگ ءَ اِنت۔ دست کپتگیں بیان ءِ ردءَ وزیر عبدالقادر پٹیل کہ آئی ءَ برلن ءَ معاشی ردءَ کمک ءِ ہوالگءَ جرمن پارلیمنٹری سٹیٹ سیکرٹری باربل کوفلر ءَ گوں گندء ُنندءِوہد ءَ گشتگ کہ سندھ ءُ بلوچستان ءَ مزنیں قدرتی آپتانی سوب ءَ جانء ُسلامتی ءِ بنکی ء ُ بنداتی بنجاہ سرجم ءَ تباہ بوتگ اَنت۔ بنجاہی وزیر ءَ گشتگ کہ پاکستان ءَ را ہار ءِ آماچیں دمگاں جان ء ُسلامتی ءِ نظام ءِ بحالی ءِ ھاترءَ میاں اوستمانی براتی ءِ کمک ءِ ضلورت اِنت۔ معاشی پڑ ءِ کمک ءِ ہوالگءَ باربل کوفلر ءَ اوست دا تگ کہ جرمنی پاکستان ءِ ہارءِ آماچیں مردمانی گوما سرجمیں کمک ءَ برجاہ داریت۔ اے موہ ءَ پاکستان ءِ سفیر ڈاکٹر محمد فیصل ہم ساڑی بوتگ۔
