اسلام آباد۔17اکتوبر (اے پی پی):حال ءُ اھیوال کاری ء ُ شنگکاری ءِ بنجاہی وزیر مریم اورنگزیب ءَ گشتگ کہ ضمنی گچین کاری ءِ نتیجگ الیکشن کمیشن ء ُ ادارگانی دست مانی ءِ حلاپ ءَ فا رن فنڈڈ پندل ءِ جارءِ مرگ اِنت، عمران خان مزن وزیرءَ وتی دو سیٹانی کم بوہگءِ مراگش کنگءِ دروگ ءَ بندگ ءَ اِنت؟ عمران خان ءِ گورءَ مزن گسءَ 172 ءِ میجک نمبر نیست، پی ٹی آئی ءِ 8 ءِ تہا 2 سیٹاں چہ پروش ورگءَ عمران خان مزن گس ء ُ حکومت ءَرا ڈکٹیٹ کُت ناکنت، دگانی جوک ء ُ کوکار کنگء ُ بنجاہی حکومت ءِسرءَِ اُرش کنگءَ حکومت دور دیئگ نہ بیت، حکومت مٹ کنگ ءِ ھاترءَ 172 باسکانی ساڑی بوہگ پکہ کنگ لوٹ ایت۔ دوشمبے ءِ روچءَ وتی یک بیان ءِ تہا آئیءَ گشتگ کہ شش سیٹ باج برگ ءَ عمران خان ءَرا اسلام آبادءِ سرءَ اُرش کنگءِ لائسنس نارسیت، عمران خان ءَ ہشت سیٹانی سرءَ الیکشن کتگء ُ پی ٹی آئی ءِ ہشت سیٹ کم کتگ۔ مریم ا ورنگزیب ءَ گشتگ کہ ”ایبسولوٹلی فراڈ” ٹگی کتگ مرچی ہم پریس کانفرنس ءِ تہا چیف الیکشن کمشنر ءَچہ استعفیٰ لوٹ ایت؟ ”فارن ایجنٹ” مرچی ہم نیوٹرلز ءِ حلاپ ءَ گوشتانک دنت؟ امبار ءِ دُز مرچی ہم ”مسٹر ایکس” ء ُ ”مسٹر وائے” ءِ نام ءَ گپت؟، فارن فنڈڈ مرچی ہم چیف الیکشن کمشنر ءَ را بدء ُرد کناں، تُرس ء ُ بہتان ءِ نشانگ جوڑکناں؟ آئی ءَ گشتگ کہ پی ٹی آئی ”ون مین پارٹی” جوڑ بوتگ کہ آئی ءِ گور ایچ اُمیت وار نیست۔
