صحبت پور۔17اکتوبر (اے پی پی): مزن وزیر محمد شہبا ز شریف ءَ گشتگ کہ ہار ءِ آماچیں دمگاں اوشتاتگیں آپ یک مزنیں چیلنج اِت، اے آپ ءَ چہ نادراہی شنگ بوہگءِ تُرس اِنت، سندھ ء ُ بلوچستان ءِ سروزیر ء ُدرائیں ہمگرنچیں محکمہ اے اوشتاگیں آپ ءَ را درکنگ ءِ ہوالگءَ گامگیج چست بہ کن اَنت، وہدے کہ مزن وزیر ءَ حال دیئگ بوتگ کہ 88 درسد آماچیں مردمانی سرءَ 25 ہزار کلدار نقد بھرء ُ بانگ کنگ بوتگ، لوگانی نقصانی ملام ہم زوت ادا کنگ بنت، دمگ ءَ اوشتاتگیں آپ ءَ را کشارانی کِشگ ءِ ھاترءَ ہم کارمرز کنگ بنت۔ دوشمبے ءِ روءَ بلوچستان ءِ ہار ءِ آماچیں دمگ صحبت پورءِ ترء ُ تاب ءِ موہ ءَ مزن وزیر ءَ را حال دیئگ بوتگ کہ ماڈل سکول ءِ پی سی ون جوڑ کنگ بتگ، وانگ جاہ ءَرا زوت سرجم کنگ بیت کہ ایشی ءِ سرءَ مزن وزیر ءَ وانگ جاہ جوڑ کنگءِ ھاترءَ دو ماہ ءِ وہد داتگ بوتگ، اگستء ُ ستمبر ءِ بجلی ءِ بل آماچیں مردماں چہ گرگ نابوتگ ، 25 ہزار کلدار ءِ نقد زھر ءِھاترءَ 3900 ءَچہ گیش ھاندانی رجسٹریشن کنگ بوتگ، اے عمل کمو سست اِنت کہ ایشی ءِ ھاترءَ بے نظیر انکم سپورٹ پروگرام ءِ زمہ وار اناں توار کنگ بوتگ۔ مزن وزیر ءَ گشتگ کہ ہار ءِ آماچیں دمگاں اوشتاتگیں آپ یک مزنیں چیلنج اِت، اے آپ ءَ چہ نادراہی شنگ بوہگءِ تُرس اِنت، سندھ ء ُ بلوچستان ءِ سروزیرءُ ہمگرنچیں ادارگ اے آپ ءَ را درکنگ ءِھاترءَ گامگیج چست بہ کن اَنت ۔ مزن وزیر ءَ را حال دیئگ بوتگ کہ 88 درسد آماچیں مردماناں 25 ہزار کلدار نقد دیئگ بوتگ، لوگانی ملام ءِ دیئگ ءِ کار ہم زوت بندات بیت، دمگ ءِ تہا اوشتاتگیں آپ کشارانی کِشک ءِ ھاترءَ کارمرز کنگ بیت۔ دوشمبےءِ روچءَ بلوچستان ءِہار ءَچہ آماچ بوتگیں دمگ صحبت پور ءِ ترء ُتاب ءِ موہ ءَ مزن وزیر ءَ را حال دئیگ بوتگ کہ ماڈل وانگ جاہ ءِ پی سی ون جوڑ کنگ بوتگ، وانگ جاہ ءَ زوتاں چہ زوت سرجم کنگ بیت کہ ایشی ءِ ھاترءَ مزن وزیرءَ گشتگ کہ اے وانگ جوڑ کنگءِھاترءَ دوماہ ءِ وہد دیئگ بوتگ، اگست ء ُ ستمبر ءِبجلی ءِ بل چہ آماچیں مردماں گرگ نابوتگ اَت، 25 ہزار کلدار ءِ نقد زرانی ھاترءَ 3900 ءَچہ گیش ھاندانانی رجسٹریشن کنگ بوتگ، اے عمل کمو سستی ءِ آماچ اِنت کہ ایشی ءِ ھاترءَ بے نظیر انکم سپورٹ پروگرام ءِ زمہ واراناں توار کنگ بوتگ۔ مزن وزیر ءَ را حال دیئگ بوتگ کہ ہار ءَ چہ آماچیں پنچ ضلع آں مشینری کارکنگءَ اِنت،وبائی نادراہی آناں دارگءِ ھاترءَ سپرے کنگ بوتگ، 11ہزار 126 ھانداناں 25 ہزار یک مردمے دیئگ بوتگ۔ مزن وزیر ءَ را حال دیئگ بوتگ کہ فلڈ ریلیف ءِ کار 88 درسد سرجم کنگ بوتگ۔ مزن وزیر ءَ اے موہ ءَ دھکاناں توم دیئگ ءِ ھوالگءَ سرپد کتگ کہ ایشی ءِ ھاترءَ 16 ارب کلدارءِ پلان جوڑکنگ ء ُ دیم دیئگ بوتگ، اے ہوالگءَ 25 اکتوبر ءَ را اسلام آباد ءَ دیوان ایر کنگ بوتگ۔ آئی ءَ گشتگ کہ آماچیں مردمانی تہا 25 ہزار بہر کنگءِ کار 86 درسد سرجم بوتگ، پنچ ارب کلدار بہر کنگ بوتگ اَنت، ہمے وڑءَ دمگانی مردماں چہ 300 یونٹ ءِ اگست ء ُ ستمبر ءِ بجلی ءِ بل گرگ نابوہگ ءَ اَنت۔ مزن وزیر ءَ گشتگ کہ تومانی بہر ء ُ بانگ ءِ کار صوبہ آنی گوما یکجاہ ہوار بندات کناں، آماچیں دمگاں اوشتاتگیں آپ ءَ چہ تکانسری ءِ آماچ اَنت، چیا کہ ایشی ءَ چہ بازیں نادراہی شنگ بوت کناں۔ آئی ءَ گشتگ کہ این ڈی ایم اے سندھ ءُ بلوچستان ءِ سروزیر ءَ گوں نزیکی بہ کنت ءُ آپ ءَ را در کنگ ءِ ھاترءَ گامگیج چست بہ کنت۔ مزن وزیر ءَ را حا ل دیئگ بوتگ کہ پنچ فلٹریشن پلانٹ ہم ورگی ساپیں آپ ءَ دیئگ بوتگ اَنت، وہدے کہ مزن وزیر ءِ پنتء ُ شون ءِ ردءَ ورگ ءِ ھاترءَ منرل واٹرہم دیئگ بوہگءَ اِنت۔ مزن وزیر ءَ را حال دیئگ بوتگ کہ پٹ فیڈر کینال ءَ راسرجمی ءَ شرکنگ بوتگ، سے ہزار ایکوا ٹیبلٹ ء ُ 70 ہزار بشانگ بہر کنگ بوتگ اَنت، ملیریا ءِ شرح 80 درسد ءَ سربوتگ بلے نوں ایشیءِتہا کمی اَتکگ۔ مزن وزیر ءَ گشتگ کہ آماچیں مردماناں ریلیف ء ُ تمبو دیئگ ءِ ہوالگءَ ایچ وڑیں شکایت دیما ماایت۔ مزن وزیر ءَ را کمشنر ءَ حال داتگ کہ پٹ فیڈر کینال ءِ گوما آ پ ءِ درکنگ ءِ نظام ہم است اِنت کہ ایشی ءِ وسیلگءَ اوشتاتگیں آپ ءَرا درکنگ بہ بیت ، کنڈء ُ شم بار دیئگ بہ بنت۔ ماڈل وانگ جاہ ءَ چہ آپ درکنگ بوتگ۔ مزن وزیر ءَ آیاناں پنتء شون کتگ کہ اے وانگ جاہ ءِ منصوبہ یک ماہے ءِتہا سرجم کنگ بہ بیت۔ اے موہ ءَ مزن وزیر ءِ ہمراہ بلوچستان ءِ سروزیر عبدالقدوس بزنجو ء ُ بی این پیءِ رہشون اختر مینگل ہم ساڑی بوتگ اَنت۔
