اسلام آباد۔17اکتوبر (اے پی پی): ملک مستر ڈاکٹر عارف علوی ءَ گشتگ کہ انوگیں ہارءِ سوب ءَ پاکستان ءَ نیزگاری ھترناکی ءَ گیش بوتگ، لکھاں مردم بے لوگ ء ُ لکھاں ایکڑ ءِ کشار انی تباہی ءِ سوب ءَ نیزگارانی سرءَ بار گیش بوتگ ، بلے پاکستان نیزگاری ءِ ہلاسی، اُلس ءِ دیمروئی ء ُ وشھالی ء ُ محکمیں دیمروئی ءِ ھاترءَ وتی کوشستاں برجاہ داریت۔ دوشمبے ءِ روچءَ ایوان صدر ءِ پریس ونگ ءِ ردءَ ملک مستر ءَ اے ھیالانی درشانی 17 اکتوبر ءَ نیزگاری ءِ ہلاسی ءِ میاں اوستمانی روچءِ درگتءَ وتی کلوہ ءِتہا کتگ۔ ڈاکٹر عارف علوی ءَ گشتگ کہ نیزگاری بنی آدم ءِ بنکی حکانی حلاپ اَنت، ہارء ُ ایندگہ قدرتی اپت نیزگاری ءِ درستاں چہ مسترٰں سوب اَنت، انوگیں ہارءَچہ پاکستان ءِتہا نیزگاری گیش بوتگ۔ ملک مستر ءَ گشتگ کہ ہارءِ جاورھالانی سرءَ میاں اوستمانی براتی وتی زمہ واریاں بہ ماریت، پاکستان ءَ نیزگاری ءِ ہلاسی ءِ بازیں پروگرام بندات کتگ۔ ملک مسترءَ گشتگ کہ نیزگاری ءِ ہلاسی ءِھاترءَ نیشنل رورول سپورٹ پروگرام، بینظیر انکم سپورٹ پروگرام/احساس پروگرام، جان ء ُ سلامتی کارڈ وڑیں بازیں گامگیج چست کنگ بوتگ اَنت، پاکستان باندات ءَ ہم نیزگاری ءِ ہلاسی ءِ ھاترءَ گامگیج چست کنت۔
