اسلام آباد۔17اکتوبر (اے پی پی): حزانگ ءِ بنجاہی وزیر سینیٹر محمد اسحاق ڈارءَ گشتگ کہ پاکستان ءِ معیشت درائیں پڑآں امریکی ءُ ڈنی زرکاری ءَ آرگ حکومت ءِ اولی دلگوشی اِنت، بیپار دوستیں چاگرد ودی کنگ مئے اولی دلگوشی اِنت۔ آئی ءَ اے گپ گوستگیں روچ ءَ واشنگٹن ڈی سی ءَ سی ای او اسلامک ٹریڈ فنانس کارپوریشن انجینئر ہانی سالم سونبول ء ُاینڈریو ٹورے ءَ گوں گند ء ُ نند ءِ تہا کتگ۔ بنجاہی وزیر ءَ آئی ءَ راملک ءِ معیشت ءِ جاورھال ءَ چہ سرپد کتگ۔ آئی ءَ آئی ٹی ایف سی ءِ نیمگءَ چہ پاکستان ءِ حمایت ءَرا ساڑاتگ ء ُ آئی ٹی ایف سی ءِ گوما ءَ را گیش محکم کنگ ءِ رھبندانی سرءَ ھیال ء ُ لیکہءِ درشانی کتگ۔ حزانگ ءِ وزیر ءَ واشنگٹن ءَ نندوکیں پاکستا نی میڈیا ءَ را استیں مراگشانی سرءَ عمل درآمد کنگ ءِ ھاترءَ پاکستان ءِ جزم ء ُ حکومت ءِ اقتصادی دلگوشیانی ہوالگءَسرپد کتگ۔ پاکستانی ڈل ءِ باسکاں ملٹی لیٹرل انویسٹمنٹ گارنٹی ایجنسی ءِ گوما گندء ُنندکتگء ُ پاکستان ءِ تہا آئی ءِ نماش ءَ را گیش کنگءِ ھاترءَ بازیں رھبنداں ہوار مالیاتی مصنوعات ءِ سرءَ ہم ھیال ء ُ لیکہ ءِ درشانی کتگ۔ حزانگءِ وزیر واشنگٹن ڈی سی ءَ بوہوکیں آئی ایم ایف/ورلڈبینک ء ِ 2022 ءِ سالانہ دیواناں پاکستانی ڈل ءِ سروکی ءَ کنگ ءَ بوتگ۔ ڈل ءِ تہا اقتصادی پڑءِ بنجاہی وزیر سردار ایاز صادق، حزانگء ُ ٹیکس پڑءِ ملکی وزیر ڈاکٹر عائشہ غوث پاشا، گورنر سٹیٹ بینک آف پاکستان جمیل احمد، حزانگءِ سیکرٹری حمید یعقوب شیخ، ڈاکٹر کاظم احمد ہم ہوار اَنت۔ سیکرٹری اقتصادی امور ڈویژن ء ُ ایڈیشنل سیکرٹری، فنانس ڈویژن علی طاہر ہم ہمراہ اَنت۔
