کوئٹہ۔17اکتوبر (اے پی پی): سر وزیر بلوچستان میر عبدالقدوس بزنجو ءَ گوشتگ کہ صوبائی حکومت صوبگ ءَ سیلاپ ءَ چہ آماچیں دمگ آنی تہ ءَ ھمروچگیں زندمان ءِ برجائی ءِ واستہ توامیں آسراتی آناں کارمرز کنگ ءَ انت ءُ آماچیں مردم آناں جان سلامتی وانگ ءُ زانگ ءُ ورگی ساپیں آپ ءِ پجاری ءَ را دل یکیمی جوڑ کنگ ءَ انت اے ھیالانی درشانی آئی ءَ مزن وزیر محمد شہباز شریف ءِ صحبت پور ءِ تر ءُ تاب ءِ موہ ءَ بریفنگ دیان ءَ کت۔ بی این پی ءِ سروک سردار اختر جان مینگل صوبائی وزیر میر محمد خان لہڑی صوبائی اسمبلی ءِ باسک میر سلیم کھوسہ ھم اے موہ ءِ سر ءَ ساڑی ات وھدیکہ چیف سیکرٹری عبدالعزیز عقیلی ءَ بریفنگ ھم دات۔ سر وزیر ءَ گوشت کہ صوبائی حکومت آں آماچیں دمگ آنی زمین دار آنی برجائی ءُ آسودگی ءِ واستہ 16 ارب کلدار ءِ کساس پروگرام ءِ بنگیج کتگ ایشی ءِ چیر دستی ءَ زمیندار آناں سولر سسٹم توم ءُ کد آنی سر ءَ سبسڈی دیگ بیت تانکہ آ وتی پاد آنی سر ءَ بہ اوشت انت۔ سر وزیر ءَ گوشت کہ صوبائی حکومت ءَ پروگرام ءِ واستہ کمک ءِ واستہ بنجاھی حکومت ءَ گوں دزبندی ھم کتگ۔ سر وزیر ءَ مزن وزیر ءِ نیمگ جار جتگیں 10 ارب کلدار ءِ زوت برجا کنگ ءِ دزبندی ھم کت سر وزیر ءَ بلوچستان ءِ سیلاپ ءِ آماچیں مردم آنی برجائی ءِ واستہ مزن وزیر ءِ ھاسیں واھگ ءُ واھشت ءِ پد ءَ آئیءِ شگر ءُ منت واری گپت۔ مزن وزیر ءَ آماچیں ضلع آنی تہءَ ورگی ساپیں آپ جان سلامتی ءُایندگر آسراتی پجاری ءِ واستہ سر وزیر ءُ آئی ءِ ٹیمب ءِ کوشست آناں ساڑاھان ءَ کشت ءُ کشار ءِ برجائی پروگرام ءَ ھوار تاوان آنی پیلو کنگ ءِ واستہ بنجاھی حکومت ءِ ھمک رنگیں کمک ءِ دل یکیمی دات۔
