سعودی سلاھ بندیں  ارد  ڈائریکٹر جوائنٹ  چیف  آف  اسٹاف  کمیٹی  ءِ پاک فضائیہ  ءِ سروک  آں گوں گند ءُ نند ،  دمگی  سلامتی  ءِ جاور ھال ءُ دو نیمگی  دیمپانی   کمک آناں  ودینگ  ءِ   بابت ءَ ھیال ریچی  کنگ بوت

اسلام آباد۔17اکتوبر  (اے پی پی):سعودی  سلاھ بندیں  ارد ءِ ڈائریکٹر جوائنٹ  چیفس  آف سٹاف  ، میجر جنرل حمید بن رافع العامری ءِ سروکی ءَ سعودی  سلاھ بندیں  ارد آنی  ڈل ءَ مرچی پاک فضائیہ  ءِ سروک  ائیر   چیف  مارشل  ظہیر  احمد   بابر  سدھو ءَ گوں  آئی  ءِ کارگس ءَ گند ءُ نند کت۔ گند ءُ نند ءِ ساھت ءَ  دمگی  سلامتی  ءِ جاور  ھال ءُ  دو نیمگی  دیمپانی  کمک آناں  ودینگ  ءِ   ھوالگ ءَ ھیال ریچی کنگ بوت۔  ترجمان پاک  فضائیہ ءِ رد ءَ میجر جنرل  حمید  بن رافع العامری ءَ پاکستان ءَ استیں سیلاپ ءَ چہ بوھوکیں  تباہی آنی  ھوالگ ءَ جھلانکیں   ڈکھ ءُ  اندوھ ءِ درشان  کت  ءُ  آماچیں  مردم آنی  گس  ءِ  مردم ءَ گوں  دلپدردی ءِ درشان کت۔  آئی ءَ سیلاپ   ءِ آماچیں  مردم آنی  واستہ  استیں  سیلاپ ءَ چہ بوھوکیں  تباہی  ءِ ھوالگ ءَ جھلانکیں ڈکھ ءِ درشان  کت ءُ آماچیں مردم آنی گس   ءِ  مردم آں گوں  دلپدردی ءِ درشان کت۔   آئی ءَ ل سیلاپ ءِ آماچیں مردم آنی واستہ    روکیں  کمکی چست ءُ ایر   ءُ برجائی   کار ءِ ساھت  ءَ   پاک فضائیہ  ءِ کارندہ آنی کوشست   ءُ سول  انتظامیہ ءِ گوما  گیشاں چہ گیش   کمک  ءِ پد ءَآوانی توسیپ کت۔  شرپ مندیں مہمان  بالی   صنعت  ءَ پاک  فضائیہ  ءِ وت مستریں   ازمکاری آنی توسیپ  کت ءُ دوئیں  بالی ارد  آنی نیام ءَ ھاسیں رنگ ءَ  ھیل  کاری  ءُ آپریشن   ڈومینز  ءَ   پیسر ءَ چہ  شاھیگانیں یکوئی آناں  گیش شاھیگانی  دیگ ءِ پد ءَ  تپاک  کت۔