صحبت پور ۔17اکتوبر (اے پی پی): مزن وزیر محمد شہباز شریف ءَ دو شمبے ءَ بلوچستان ءِ سیلاپ ءَچہ آماچیں دمگ آنی تہ ءَ صحبت پور ءَ سیلاپ ءِ آماچیں مردم آنی واستہ فلڈ ریلیف کیمپ ءِ تر ءُ تاب کت۔ اے موہ ءِ سر ءَ مزن وزیر شہباز شریف ءَ ٹینٹ سکول ءَ زھگ آنی گوما گپ ءُ تران کت ءُ آواناں گوشت کہ اے دمگ ءَ کاڈل سکول ءِ برجائی دو ماہ آنی تہءَ جوڑ کنگ بیت۔ مزن وزیر ءَ زھگ آناں گوشت کہ آ دو ماہ ءَ چہ پد اختر مینگل ءُ سر وزیر عبدالقدوس ءِ ھمبراھی ءَ سکول ءَ کاینت ءُ زھگ آں گوں گپ ءُ تران کنت اِنت۔ مزن وزیر ءَ اے موہ ء، سر ءَ زھگ آں گوں دود ءُ دراھ کت ءُ دل وشی ءِ درشان کت۔ مزن وزیر ءَ ریلیف کیمپ ءَ آسراتی آنی ھم چار ءُ تپاسی گپت۔ مزن وزیر ءَ اے موہ ء، سر ءَ سیلاپ ءَ چہ آماچیں مردم آں گوں تران کت ءُ آوانی جیڈھ آناں پول کت ءُ ھالپرسی کت۔ اے موہ ء، سر ءَ مزن وزیر ءَ را چیف سیکرٹری بلوچستان ءَ صحبت پور ءَ فلڈ ریلیف آپریشن ءِ ھوالگ ءَ سرپد کت۔
