کوئٹہ۔17اکتوبر (اے پی پی): بلوچستان ءِ سروزیر میر عبدالقدوس بزنجو ءَ مستونگ ءِ دمگ اسپلنجی ءَ ناشرکارانی حلاپ کانود رکینوکانی ادارگانی سوبمندیں کاروائی ءِ سرءَ سدکی ءِ درشانی کتگ ء ُ گشتگ۔ سروزیرءَ ناشرکارانی ھلاپ ءَ آپریشن ءِتہا سی ٹی ڈی ء ُ حساس ادارگانی کارء ُ کردءَ را داد ء ُ سلام پیش کتگء ُ گشتگ کہ سکیورٹی اہلکاراں ناشرکارانی ٹھکانگ تباہ کتگء ُ آیاناں مزنیں جانی نقصان داتگ۔ آئی ءَ کاروائی ءِ وہد ءَ 4 سکیورٹی اہلکار آنی ٹپیگ بوہگءِ سرءَ اپسوز ءِ د رشانی کتگ ء ُ گشتگ کہ مئے سکیورٹی ادارگ جرات ء ُ بہادری ءِ گوما ناشرکارانی دیمپانیءَ کنگ ءَ اَنت آیاناں ہلاس کنگءِ جزم ءِ درشانی کتگ ۔سروزیر ءَ گشتگ کہ ناشرکاری ءِ حلاپ ءِ جنگ ءَ اُلس ء ُمئے سکیورٹی ادارگانی سوبمندی بیت۔
