اسلام آباد۔17اکتوبر (اے پی پی): حزانگءِ وزیر اسحاق ڈار ء ُ اقتصادی پڑءِ وزیر ایاز صادق ءَ دوشمبے ءِ روچءَ نامداریں پاکستانی امریکی آئی ٹی /ٹیک انٹرپرینیورز ءِ گوما گندء ُنند کتگ۔ ملکی وزیر عائشہ غوث پاشا، گورنر اسٹیٹ بینک جمیل احمد ،سفیر مسعود خان ء ُ پاکستانی ڈل ءِ ایندگہ باسک ہم اے موہ ءَ ساڑی بوتگ اَنت۔ حزانگءِ وزیر ءَگشتگ کہ پاکستان ءِ معیشت ءَ را محکم کنگ حکومت ءِ اولی دلگوشی اِنت۔ اے مو ل ء ُ مرادءِ ھاترءَ حکومت ءَ گوستگیں لھتیں ماہ آں ترندیں فیصلہ کتگ بوتگ کہ پاکستان ءَ را معاشی بحالی ءِ کشک ءَ رہادگ کنگءِ ھاترءَ المی بوتگ اَنت۔ حزانگءِ وزیرءَ پاکستان ءِ آئی ٹی سیکٹر ءَرا محکم کنگءَ پاکستانی امریکی ٹیک انٹرپرینیورز ءِ ھدوناکی ءَ راساڑاتگ ء ُ اے گپ ءِ سرءَ زور پِر داتگ کہ اے پڑءَ دیمروئی ءِ بازیں موہ اَست ء ُ پاکستان ءِ معیشت ءَرا محکم کنگ ءَ حاسیں کرد پیلو کُت کنت۔ حکومت آئی ٹی/ٹیک سیکٹر ءِ سرءَ دلگوشی دئیگ ءَ اِنت ۔ پاکستانی امریکی آئی ٹی/ٹیک انٹرپرینیورز ءَ آئی ٹی/ٹیک سیکٹر ءِ سرءَ حکومت ءِ دلگوشی ءَ را ساڑاتگ ء ُ پاکستان ءَ زرکاری ءِ تہا وتی ھدوناکی ءِ جز مءِ درشانی کتگ۔ آئی ءَ آئی ٹی سیکٹرءِ دیمروئی حاس پاکستان ءَ چہ برآمدات ءَ را گیش کنگ ء ِ ھاترءَ بازیں سوج ءُ سرپیش کتگ۔ حزانگءِ وزیر ءَ اوست داتگ کہ آئی ءِ سوجانی سرءَ عمل کنگ ءِ چارءُتپاسی کنگ بیت ء ُ آیانی سرءَ زور پر داتگ کہ آ پاکستان ءِ آئی ٹی سیکٹر ءَ محکمیں دیمروئی ءَ را الم کنگءِ ھاترءَ حکومت ءِ گوما بندوک بہ بیت ۔
