صدر  مملکت  ڈاکٹر  عارف  علوی ءِ  بینکنگ  محتسب  ءِ پیسلہ   ءَ را برجا  داران ءَ سلک بینک ءَ را  بینک  فراڈ  ءَ چہ آماچیں  مردم ءَ  را   پائیدگ  بوتگیں  زر آنی ھمبراھی ءَ  2 لکھ کلدار  واپس کنگ ءِ پنت  ءُ شون

اسلام آباد۔16اکتوبر  (اے پی پی):صدر مملکت  ڈاکٹر عارف علوی  ءَ بینکگ محتسب  ءِ پیسلہ  ءَ را برجا داران ءَ  سلک بینک ءَ را بینک  فراڈ  ءَ چہ آماچیں  مردم  ءَ را   پائیدگ  بوتگیں   زر آنی ھمبراھی  ءَ  2 لکھ کلدار  واپس  کنگ ءِ پنت ءُ شون  کتگ۔   یک شمبے ءِ روچ  ءَ ایوان ءِ صدر ءِ پریس  ونگ ءِ نیمگ ءَ جاڑی بوتگیں  بیان ءِ رد ءَ صدر  مملکت    ءَ  بینکنگ  محتسب  ءِ  پیسلہ   ءَ را برجا داشتگ   ءُ سلک بینک  ءِ اپیل   ءَ را  رد  کتگ۔  صدر  مملکت  ءَ  وتی پیسلہ  ءِ تہ ءَ گوشتگ کہ  بینک  ءِ استیں برانچ   ءَ ایماندار  یں  کارندہ ءِ پوسٹنگ  ءَ ناکامی ءُ  ناجائز یں رنگ ءَ   مارک اپ   ءَ را  دارگ  ءُ بینک  بد انتظامی    سہرا بوتگ۔ ملتان ءَ یک شہری  الس نام  محمد شفیق (شکاست کنوک)   ءَ  بینک   ءَ ٹرم ڈپازٹ  رسید ءَ  2 لکھ کلدار ءِ سرمایہ کاری کتگ،   اے کسٹومر  ءَ را  شش ماہ  ءِ   مارک اپ دیگ بوتگ،  ایشی ءَ چہ پد گوشگ بوتگ کہ ایشی ءِ رسید  دروگیں ات،  ءُ ایشرا  پیسریگیں برانچ  آپریشنز  منیجر  ءَ  دھوکہ ءِ سر ءَ داتگ۔  صدر ءَ گوشت کہ شکاست کنوک  ءَ بینک ءِ نشان،   پیسریگیں  برانچ  منیجر  ءِ دست چنگل  ء، گوما رسید  پیش  کتگ،  بینک  وتی ملازم ءِ نیمگ ءَ چہ بینک ءِ اسٹیشنری ءِ سر ءَ دست چنگل  جتگیں  کجام ھم  مسل  ء  سر ءَ  جنگ ءِ زمہ وار  انت۔  لس  مردم آنی  واستہ بینک ءِ  اسلیں  ءُ دروگیں اسٹیشنری  ءِ تہ ءَ فرق  کنگ ءِ واستہ  اچ   رنگیں کوالٹی چیک  کنگ  تپاس گر نیست انت،   کسٹومر  ءِ فرض نہ انت کہ آ  کجام  بینک ءِ ریکاٹ   ءُ  توکی  کار آنی  چھان  بین ءَ بکنت۔  آئی ءَ گوشت کہ  بینک   وتی   ردئی آناں  کسٹومر  آنی سر ءَ  لڈگ ءَ انت۔  بینک ءَ من اتگ کہ  برانچ منیجر ءَ  اے مسل آنی سر ءَ دست چنگل جتگ۔  صدر مملکت ءَ گوشت کہ ایماندرا  ءُ زمہ واریں کارندہ  ءِ پوسنٹگ  کنگ ءِزمہ وار  بینک ءِ زمہ واری انت۔