پاکستان یک زمہ واریں ایٹمی ملک ات،  ما  وتی ایٹمی  مڈی آنی رکھینگ ءِ  وستہ ایٹمی  ھاٹیگ ءِ میاں اوستمانی ادارگ  آنی  ضلورت ءِ رد ءَ  رکھینگی  گامگیج کتگ، مزن وزیر  محمد  شہباز شریف

اسلام آباد۔15اکتوبر  (اے پی پی): مزن وزیر  محمد  شہباز شریف  ءَ   تچک ءُ مھکمی ءَ گوں   اے  جزم ءِ  درشان کتگ  کہ پاکستان   یک  زمہ واریں  ایٹمی  ملک ات۔  اچ کس ءَ را شک ءُ پک مہ بیت۔  ما وتی ایٹمی  مڈی آنی  رکھینگ ءِ واستہ ایٹمی  ھاٹیگ  ءِ  میاں اوستمانی  ادارگ آنی   ضلورت آنی رد ءَ  رکھینگی  گامگیج  کتگ۔  شمبے ءِ روچ  ءَ  وتی ٹویٹ ءَ آئی ءَ   تچک  ءَ  گوشتگ کہ پاکستان  یک زمہ واریں  ایٹامک ریاست ات  ءُ مارا  پھر  انت کہ  ما وتی  ایٹمی  مڈی آنی  واستہ  ایٹمی ھاٹیگ  ءِ  میاں اوستمانی  ادارگ  ءِ ضلورت   ءِ رد ءَ گہتریں  انتظامی  کتگ۔  اچ کس ءَ  را شک ءُ پک مہ بیت۔  ما  رکھینگی  گامگیج آناں   سک باز ساپ ءُ سلہ ئی ءِ گوما  کناں۔