پاکستان  وت مستری ءُ شرپ  ءُ ازت  ءِ گوما   نندگ  ءُ  دیمروئی  ءُ  وشھالی  ءِ آشوب ءَ آرگ  ءِ واستہ  جوڑ   کنگ بوتگ،  عمران خان  ءَ  چاگرد  ءَ دروگ بندگ،  بھتام  بندگ  ءُ پندل  ساچگ ءِ    روایت  سہرا کتگ،  مزن  وزیر  محمد  شہبازشریف  ءِ  مفتی  محمود  کانفرنس  ءَ گوں  گشتانک

اسلام آباد۔15اکتوبر  (اے پی پی):مزن وزیر محمد  شہبا زشریف   ءَ گوشت کہ پاکستان   وت مستری  ءُ  ازت ءُشرپ   ءِ گوما نندگ   ءُ دیمروئی  ءُ وشھالی  ءِ آشوب  ءَ  آرگ  ءِ وستہ جوڑ کنگ  بوتگ۔  پیسریگیں  مزن وزیر  ءَ  چاگرد   ءَ  دروگ بندگ  ،  بھتا م بندگ  ءُ  شپ ءُ روچ  راج، ملک ءُ ادارگ  آنی  ھلاپ ءَ پندگ ساچگ  ءِ   روایت ءَ را  سہرا   کتگ  ایشی  ءِ درور  مسجد نبوی ﷺ  ءَ   ھوار جتا جتائیں ملک آں  دیستگ۔  اے  روایت ءَ  چاگرد ءَ را  بھر  بھر کتگ۔   مفتی محمود  کانفرنس  ءِ   شریکیں   مردم آنی جوزگ ءَ  چہ  اے  امیت پیداک بوتگ کہ اے مردم  اے  سسا  ءِ ھلاپ ءَ    بند   بندگ ءَ کامیات بنت۔  آ  شمبے ءِ روچ ءَ    کنونشن  سنٹر   ءَ مولانا مفتی  محمود   کانفرنس  ءَ گوں گشتانک دیگ ءَ ات۔  کانفرنس ءَ  گوں جمعیت  علام اسلام  ف  ءِسروک  مولانا  فضل الرحمان ، عامی نیشنل  پارٹی  ءِ  پارلیمانی لیڈر  امیر حیدر  خان، ہوتی،  پیپلز پارٹی  ءِ  سروک   ءُ پیسریگیں   چیئرمین سینیٹ میاں   رضا  ربانی ، بنجاھی  وزیر  مولانا  اسد محمود   ءُ ایندگر   آں گشتانک دات۔  مزن وزیر ءَ کانفرنس ءِ جوانیں بست ءُ بند کنگ ءِ پد ءَ   بند ءُ بست کنوک آناں مبارک بات  دات۔