میاں اوستمانی بینک ءِ  بندوبستیں  پاکستان ءَ    سیلاپ  ءِ  رند پد ءُ  کمکی کاروائی   آنی پد ءَ  مزن تکی گول میز کانفرنس  ،  وزیر ءِ ھزانگ سینیٹر  محمد  اسحاق ڈار  ءِ  برجائی ءُ آسودگی جیڈھ  آنی  واستہ  پاکستان ءَ را کمک پجاری  ءِ   ضلورت   ءِ  ھوالگ  ءَ زور

اسلام آباد۔15اکتوبر  (اے پی پی): بنجاھی وزیر ھزانگ   ءُ ٹیکس ءِ گروک  سینیٹر  محمد  اسحاق ڈار ءَ پاکستان ءَ سیلاپ    ءِ رند پد ءُ   کمکی کاروائی     آنی ھوالگ ءَ   یک مزن تکی  گول میز  کانفرنس   ءَ پاکستانی ڈل ءِ سروکی کت۔   میاں اوستمانی بینک ءِ سروکی ءَ  بست ءُ بند  کتگیں اے مراگش   مشترکہ صدارت ورلڈ  بینک ءِ نائب  صدر برائے  زر بارئی ایشیا مارٹن  رائسر ءُپاکستان  ءُ اوگانستان ءِ  واستہ  برطانیہ  ءِ  مزن وزیر  ءَ ھاسیں   نماھندگ  نائبل کیسی ءَ کت۔  گول میز کانفرنس  ءَ توامیں  ٹوھیں دو نیمگی  ءُ  یکجائی شریکدار  ءُ  کمک کنوک   نماھندگ آں  بھر زوری کت۔ پاکستان ءَ اے  وئیل ءَ چہ پد  ضلورت  ءِ  میاں اوستمانی بینک، ایشیائی دیمروئی بینک، یو این ڈی پی، یورپی یونین  ءُ  حکومت    پاکستان  ءِ یکجائی  تیار کتگیں بندات  آسر  گول میز  ءَ پیش  کنگ بوت انت۔  شریکیں مردم آں  پاکستان ءَ   بوتگیں سیلاپ ءَ چہ بوھوکیں جانی تاوان   بار آنی پد ءَ  دلپدردی ءِ درشان کت۔  گڈی  داک آنی تہ ءَ وزیر  ءِ  ھزانگ ءَ برجا   ءُ آسودگی کار آنی  ھوالگ ءَ  پاکستان ءِ  جوانیں کمک پجاری کنگ ءِ ضلوقرت  ءِ  زور پر دات۔  آئی ایم ایف  ءِ  ایم  سی ڈی ڈائریکٹر جہد ازور  ءَگوں گند ءُ نند  وزیر ءِ ھزانگ    ءَ آئی  ایم  ایف  پروگرام   ءِ   کار آنی  ھوالگ ءَ  ھیال ریچی کت۔  ازور ءَ سیلاپ ءَ چہ بوھوکیں تاوان  بار آنی پد ءَ  یکوئی ءِ درشان  کت۔  آئی  ءَ حکومت   ءِ  پاکستان  ءِ آئی ایم ایف   ءِ جاڑیگیں    پروگرام  آناں  لاگو کنگ ءِ جزم ءَ را  ساڑات   ءُ فنڈ   ءِ نیمگ   ءَ کمک جاڑی  دارگ  ءِ دل یکیمی دات۔