اوگان کونسلر جنرل  ءِ امیر  مقام  ءَ گوں گند ءُ نند،  وت مہ وتی کار ءُ  ایمنی  ءِ  ھوالگ ءَ ھیال ریچی کنگ بوت

پشاور۔15اکتوبر  (اے پی پی):پشاور   ءَ اوگان  کونسلر  جنرل حافظ محب اللہ ءَ مزن وزیر  ءِ مشیر  انجینئر امیر  مقام  ءَ گوں پشاور ءَ آئی  ءِ گس ءَ  گند ءُ نند کت، دوئیں سروک آں  وتی مہ وتی کار آں ھوار پاک  اوگان  یکوئی   ءُ ھاسیں  رنگ ءَ پاکستان  ءَ اوگان  آنی  واستہ  ویزہ   پالیشی  ءَ نرمی،  لڈ  ءُ باری مردم آنی واستہ  کارٹ،  اوگانستان  ءَ پاکستان  ءَ  آیوکیں  مریض آنی  مشکل ءُ جیڈھ آنی تہ ءَ کمی، پاک اوگان  بارڈر   ءِ سر ءَ تجارت  ءِ جیڈھ آنی  ھوالگ ءَ   سرجمیں ھیال ریچی   کنگ بوت۔  مزن  وزیر ءِ مشیر  برائے سیاسی ءُ السی  ءُ  راجی  مڈی   ءُ دود ءُ ربیدگ  انجینئر امیر مقام  ءَ اوگان  کونسلر  جنرل  ءَ گوں     خیبر پختونخوا   ءُ  ھاسیں  رنگ ءَ سوات ءَ ایمنی ءِ  ھوالگ ءَ ھیال ریچی کنگ بوت،   گند  ءُ نند ءَ  دوئیں  سروک آں    اےگپ ءِ سر ءَ تپاک  کت کہ استیں جاور ھال آنی  تہ ءَ  یک شلیں رابطہ  ءِ  ضلورت انت  ءُ ایشرا جاڑی  دارگ بہ بیت۔