مزن وزیر محمد شہباز شریف ءَگوں برطانوی  وزیر ءِ مملکت برائے  زر باری ایشیا  ءُ دولت   ءِ مشترکیہ  لارڈ طارق  احمد  ءِ  گند ءُ نند، تجارت، سرمایہ کاری،  سلامتی ، دیمپانی   ،  دود ءُ ربیدگ ءَھوار   جتا جتائیں شوبگ آنی  تہ ءَ  کمک آناں گیش شاھیگانی  دیگ ءِ جزم

اسلام آباد۔14اکتوبر  (اے پی پی): مزن وزیر  محمد  شہباز شریف ءَ گوشتگ کہ  پاکستان  ءُ برطانیہ ءِ یکوئی تاریخی   انت ۔   پاکستان  برطانیہ  ءِ گوما  تجارت، سرمایہ کاری، سلامتی، دیمپانی ، ددو ءُ ربیدگ ءُ السی تک ءَ رابطہ آں  ھوار   جتا  جتائیں شوبگ  آنی تہءَ  گیشی  شاھیگانی  دیگ ءِ  جزم  انت۔  مزن وزیر  کارگس ءِ میڈیا  ونگ ءِ نیمگ ءَ جاڑی بوتگیں بیان ءِ رد ءَ  مزن وزیر ءَ  گوں برطانوی  وزیر ءِ  مملکت برائے  زر باری ایشیا  ءُ دولت  ءِ مشترکہ  لارڈ  طارق  احمد   ءَ آدینگ ءِ روچ  ءَ گند ءُ نند کت۔  مزن وزیر ءَ   پاکستان  ءُ برطانیہ  ءِ نیام ءَ  تجارت ءُ سرمایہ کاری ءِ کمک آنی پازیٹیو  رند پد آنی  ھوالگ  ءَ دل یکیمی ءِ  درشان ءَ کنان ءَ گوشت کہ دو نیمگی  تجارت 3.1  ارب  پاؤنڈ  ءَ تاں  پج اتگ۔  مزن وزیر ءَ دوئیں  ملک  آنی الس آنی نیام ءَ نزیکیں یکوئی  شاھیگان  کنگ ءَ  16 لکھ پاکستانی  آناں  پازیٹیو کرد  ءِ ھاسیں  ھوالگ  دات۔  لارڈ  طارق   احمد ءَ پاکستان ءَ  سیلاپ ءِ سبب ءَ بنی آدمی جانی  تاوان   بار ءِ پد ءَ برطانوی   حکومت ءِ نیمگ ءَ   دلپدردی ءِ درشان کت۔    مزن وزیر ءَ گوشت کہ  پاکستان ءَ سیلاپ   ءِ ھوالگ ءَ   کمکی چست ءُ ایر  آنی   تہءَ برطانیہ ءِ کمک ءِ  پد ءَ  آئی ءِ شگر  ءُ  منت واری  گپت۔  مزن وزیر ءَ اے گپ ءِ  سر ءَ چمشانک دات کہ پاکستان  میاں  اوستمانی کاربن ءِ    شنگ  کنگ ءَ 1 درسد ءَ چہ  کم  بھر  مان  کنگ ءَ ابید، موسمی مٹ ءُ بدلی  ءَ چہ    درستاں چہ گیش ملک  آنی تہءَ    یک ات۔  لارڈ  طارق  احمد ءَ مزن وزیر ءَ گوشت کہ برطانوی  الس  ءُ پاکستانی لڈ ءُ بار کنوکیں   مردم آں پاکستان  ءِ سیلاپ  ءَ چہ آماچیں مردم آنی  وستہ  کمک ءُ آسودگی  کوشست آنی ھاترا باز دزگٹ انت۔  مزن وزیر   ءَ گوشت کہ پاکستان ءَ دژمنی ءِ زوتیں ھلاسی ءِ لوٹ   ءُ  یوکرین  ءِ کشاں چیل   ءَ را زوت  سول ءُ  تران  آنی وسیلگ ءَ  ھلاس  کنگ ءِ واستہ سفارت کاری ءُ سول  ءُ تران  آنی  ضلورت ءِ سر ءَ زور  پر دات۔   مزن وزیر برطانوی  وزیر ءِ مملکت ءُ  آئی  ءِ ڈل  ءِ   شرپ  ءَ  سبارگ ءِ نان   ءِ  بست ءُ بند  ھم  کت۔