آستانہ۔14اکتوبر (اے پی پی):پاکستانءُ بیلاروس ءَ یکجاہی اقتصادی کمیشن ءِ ایوکیں دیوان ءَ را زوت کنگ ءُ آئی ءِ سرءَ کار کنگ ءَ را الم کنگ ءِ سرءَ تپاک کنگ بوتگ کہ آئی ءِ تہا دونیمگی اقتصادی نزیکی گیش بیت۔ مزن وزیر کارگس میڈیا ونگ ءَ چہ جاری بیان ءِ ردءَ مزن وزیر محمد شہباز شریف ءَ آستانہ ءَ سیکا ءِ ششمی سروکی دیوان ءِ موہ ءَ بیلاروس ءِ صدرالیگزینڈر لوکاشینکو ءَ گوں گندء ُنندکتگ۔ گندءُنندءِ تہا دوئیں راہشوناں شنگ کتگیں دونیمگی کمک ءِ چارءُتپاسی کتگ ء ُ دونیمگی ھدوناکی ءُ دمگی ءُ میاںاوستمانی کارانی سرءَ ھیال ء ُلیکہ ءِ درشانی کتگ۔ صدر لوکاشینکو ءَ گشتگ کہ بیلاروس ماحولیاتی مٹء ُبدلی ءِ نتیجگ ءَ آیوکیں ہارءَ پاکستان ءِ تہا بازیں تباہی کتگ ءُ بیلاروس آماچیں مردمانی آبات کنگءِ کمک کنت۔ دمگی کارانی سرءَ ھیال ءُ لیکہ ءِ درشانی کتگ ءُ دوئیں راہشوناں امنء ُایمنی، محکمی ء ُ کمک ءَ را گیش کنگ ءِ دونیمگی وائشت ءِ درشانی کتگ۔ دوئیں راہشوناں ایشی ءَ چہ پیسر 15 ستمبر 2022 ءَ سمرقند ءَ شنگھائی کمک تنظیم ءِ سروکی دیوان ءِ موہ ءَ گندء کتگ بوتگ۔ یکیں ماہ ءَ دو رندءَ سروکی تک ءَ گپ ءُتران بازیں پڑآں دونیمگی پائدگ مندیں کمک ءَ را گیش کنگ ءِ ھاترء۔ دوئین نیمگاں جہلیں وائشتانی عکس کشی ءَ کنت۔
