اسلام آباد۔14اکتوبر (اے پی پی): مزن وزیرک محمد شہبا زشریف ءَ گشتگ کہ چین ء ُ پاکستان ءِ دوستی بے مٹ اِت، چین ء َ ہرچ وڑیں جاورھالاں پاکستان ءِ گوما ہمراہ دار ی کتگ ءُ ہرچ وڑیں گرانیں ساہت ءَ پاکستان ءِ کمک ءِ ھاترءَ ساڑی بوتگ۔ مزن وزیر کارگس ء ِ میڈیا ونگ ءَ چہ جاری بیان ءِ ردءَ مزن وزیر ءَگوں چائنا نیشنل نیوکلیئر کارپوریشن اوورسیزءِ ڈل ءَ جمعہ ءِ روچءَ اسلام آبادءَ گندء ُنندکتگ۔ ڈل ءِ سروکی چائنا نیشنل نیوکلیئر کارپوریشن اوورسیز ءِ صدر زانگ گیولیانگ ءَ کتگ۔ گندء ُنندءِتہا مزن وزیر ءَ گشتگ کہ چین ء ُ پاکستان ءِ دوستی بے مت اِت، چین ءَ ہر چ وڑیں جاورھالاں پاکستان ءِ گوما ہمراہ داری کتگ۔ آئی ءَ گشتگ ک انوگیں ہارءَچہ بوتگیں تباہی ءِ دیمپانی کنگ ءُ ہار ءِ آماچیں مردمانی آبات کنگ ءِ ھاتر برجاہیں کارانی تہا چین ءَ پاکستان ءِ باز کمک کتگ چائنا نیشنل نیوکلیئر کارپوریشن اوورسیز ءِ نیمگ ءچہ ہارءِ آماچیں مردمانی آبات کنگءِ ھاترءَ یک مزنیں زر ءِ چیک ہم مزن وزیر ءِ فلڈ ریلیف فنڈ ءِھاترءَ پیش کنگ بوتگ۔ گندءُ نندءِ تہا پیٹرولیم ءِ ملکی ویزر مصدق ملک ، مزن وزیر ءِ حاسیں کمک کار طارق فاطمی، ظفر الدین محمود ءُ پاکستان ءَ چین ءِ سفیر نون رانگ ہم ہوار بوتگ۔
