اسلام آباد۔14اکتوبر (اے پی پی): ملک مستر ڈاکٹر عارف علوی ءَ صدارتی اقبال ایوارڈ سال 2020-2015 ءِ منظوری داتگ۔ محمد اکرام چغتائی ءَرا اُردو زبان ”اقبال ء ُ جرمنی” ءِ سرھال ءِ سرءَ شنگ بوہوکیں کتاب ءِ سرءَ اقبال ایوارڈ دیئگ ءِ منظوری دیئگ بوتگ۔ جمعہ ءِ روچءَ ایوان صدر ءِ پریس ونگ ءَ چہ شنگ بوتگیں بیان ءِ ردءَ ملک مستر ءَ ڈاکٹر عبدالخالق ء َ را انگریزی زبان ءِ تہا اقبالیات ءِ سرءَ کتاب ”علامہ اقبال، خودی اور دیگر تصورات”ءِ سرءَ اقبال ایوارڈ دیئگ ءِ ہم منظوری داتگ۔ ملک مستر ءَ غوث بخش صابر ءَ را بلوچی زبان ءِتہا اقبالیات ءِ سرءَ کتاب نبشتہ کنگ ءِ سرءَ صدارتی اقبال ایوارڈ دیئگ ءِ ہم منظوری داتگ۔ ملک مستر ءَ ایوارڈ ءِ منظوری آئین ءِ آرٹیکل 48 یک ء ُ اقبال اکیڈمی آرڈیننس 1962 ءِ ردءَ داتگ۔ ملک مستر اقبال اکیڈمی پاکستان ءِ پیٹرن ان چیف ( مستریں سروک اِنت) اِنت۔
