اسلام آباد۔14اکتوبر (اے پی پی): ملک مستر ڈاکٹر عارف علوی ءَ پیمرا ءَ بدنی ناجائن پائدگ چست کنگءِ کیس ءَ را یک رندے پدا گوشدارگءِ ھاترءَ بنجاہی محتسب برائے انسداد ہراسیت ءِ گورءَ دیم داتگ۔ جمعہ ءِ روچءَ ایوان صدر ءِ پریس ونگ ءِ ردءَ پیمرا ءِ یک جنرل منیجر ءِ زالبول ءِ ناجائن پائدگ چست کنگءِ بہتان ءَ یک نیمگی سزا ہشکونائینگ بوتگ، جی ایم پیمرا ء ُ یک ڈی جی ءَ را اے جرم ءِ تہا کتاکار لیکگ بوتگ، ملک مستر ڈی جی پیمرا ءَ را ” نوکری ءَچہ درکنگ ” ء ُ 25 لکھ کلدار جرمانہ ءِ سزا ہشکونائیتگ۔ ملک مستر ءَ کیس بنجاہی’ محتسب برائے انسداد ہراسیت’ ءِ دست ءَ داتگ ء ُ گشتگ کہ ملزم ءِ جان ءَ ھترہ بوتگ ہمے ھاترءَ ملزم پاکستان ءَ چہ ڈن بوتگ، محتسب ءَ مقدمہ ءِ فیصلہ یک نیمگی کاروائی کنان ءَ کتگ ، ملزم ءَ را گوشدارگءِ موہ دیئگ نابوتگ۔ ملک مستر ءَ گشتگ کہ انصاف ءِ رھبندانی ردءَ ملزم جی ایم ءَ را گوشدارگءِ موہ دیئگ بہ بیت۔ فیصلہ ءِ تہا گشگ بوتگ کہ ملزم جی ایم ء ُ آئیءِ وکیل ءَ گواہی ریکارڈ کنگء ُ ویڈیو کانفرنس ءِ وسیلگ ءَ جرح ءِھاترءَ ساڑی بوہگ ءِ اوست داتگ۔ ملک مستر ءَ پنتء ُشون کتگ کہ کیس یک رندے پدا محتسب ءِہوالگءَ کنگ بیت کہ 60 روچانی تہا فیصلہ کنگ بہ بیت۔ ملک مسترءَگشتگ کہ بازیں سوب آں چہ بدنی ناجائن پائدگ چست کنگءِ کیس رپورٹ نابنت، بدنی ناجائن پائدگ چست کنگءِ آماچیں مردم رپورٹ بہ کن اَنت ۔ ملک مسترءَ گشتگ کہ شکایت درج کنگ ءَ دیری بوہگءِ بنیات ءَ اے وڑیں کیس ڈلگ چار کنگ مہ بنت۔
