اسلام آباد۔ 14 اکتوبر (اے پی پی) قومی اسمبلی ءِ معلومدار کننگانے کہ سپر خراج ءِ 150 ملین روپئی آن زیات کٹیا کروک آ شاری تیا خلنگانے۔ وزارت خزانہ نا کنڈآن قومی اسمبلی ءِ سائرہ بانو نا سوج آ نوشتہی وڑاٹ معلومدار کننگانے کہ سپرخراج صارف آتیاگڑا یا خذمت آتا کاریم اٹ اتنگ آ عائد مریک، کٹیا غا خراج بندغ اسے نا کٹیا غا کننگک، دابراہ راست خراج اس مریک ہرانا بھاریم ءِ صارف آتیا شاغنگ مفک۔ ایوانءِ پاننگاکہ سپرخراج ہندن ءُ بندغ اسے آ عائد و قابل ادائیگی ءِ ہرانا کٹیا 150 ملین روپئی آن زیات ءِ۔داوڑنا بندغ آتیا تدریجی کہول انا نرخ آ سپر خراج ءِ خلنگانے۔
