اسلام آباد۔ 14 اکتوبر (اے پی پی) قومی اسمبلی ءِ پاننگانے کہ 2013ء آن ہلیس داتم اسکان پرائم منسٹر یوتھ پروگرام نا رداٹ 989 ادارہ غاتیٹی 98 ہزار ورناتے ہائی ٹیک نا مہارت فراوان کننگانے۔ جمعہ نادے آ قومی اسمبلی ٹی شمیم آراپنہور نا سوج انا نوشتہی ورندی ٹی وزیر انچارج وزیراعظم آفس پارے کہ پرائم منسٹر یوتھ پروگرام نا بناءِ 2013ء ٹی کننگاسس، تدوک آ حکومت 2019ء ٹی دانا پن ءِ پروگرام بدل کرسا سرسہب ورنا تخا۔ 2013ء آن ہلیس داتم اسکان داپروگرام نا رداٹ 989 ادارہ غاتیٹی 98 ہزار ورناتے مشین لرنگ، مصنوعی دھات، روبوٹیک و سائبر سیکورٹی پین پین اٹی تربیت فراوان کننگا۔ دا بشخ آتیٹی 71 درسد ورناتے ملازمت رسینگا۔ روایتی مہارت آتا رداٹ 2 لکھ 85026 ورناتے تربیت فراوان کننگا۔ دااے وی ٹی ٹی سی نا کنڈآن این وی کیو ایم نا رداٹ 200 کوالیفکیشن تیار کننگا۔
