اسلام آباد۔ 14 اکتوبر (اے پی پی) قومی اسمبلی ءِ معلومدار کننگانے کہ کم آن کم پنشن ءِ 25 ہزار روپئی ماہانہ کننگ نا ہچ ءُ سلاہ سے آ سجفپننگ انگ ءِ۔ داہیت ءِ شیخ فیاض الدین نا سوج آ وزارت خزانہ نا کنڈآن قومی اسمبلی ءِ نوشتہی ورندی ٹی پاننگانے۔ ورندی ٹی پاننگانے کہ ساڑی آ کم آن کم پنشن 10 ہزار روپئی ماہانہ ءِ، حکومت دوئی مالی کچ انا رداٹ کم آن کم پنشن اٹی ودکی کیک، داوخت آ کم آن کم پنشن اٹی ودکی کرسا اودے 25 ہزار روپئی ماہانہ کننگ نا ہچ ءُ سلاہ سے آ سجفپننگ انگ ءِ۔ ایوان ءِ معلومدار کننگا نے کہ گروپ لائف انشورنس اٹی ودکی نا موضوع عملہ ڈویژن ءِ تننگانے۔ ایوان ءِ پاننگاکہ پنشنر آتا کزیت نا دروشم اٹی جنوزان ءِ 75 درسد پنشن تننگ انگ ءِ، اوٹی ودکی کرسا اودے سد درسد کننگ نا ہچ ءُ سلاہ سے آ سجفپننگ انگ ءِ۔
