اسلام آباد۔ 14 اکتوبر (اے پی پی) وزیراعظم محمد شہباز شریف پارینے کہ تدوک آ تُو شنگھائی کمکار تنظیم نا دیوان آن پد سیکا سروکی دیوان اٹی ننا چکار پاکستان نا توانائی ، واپار و علاقائی رابطہ غاتیا ئسک، نیامی ایشیائی ریاست آتون رابطہ ننا حکومت نا خارجہ پالیسی تا بنداوی مسخت ءِ، نن مربوط خارجہ پالیسی خوانہ ہرا عمران خان نا دور حکومت اٹی زہمی مس۔ جمعہ نادے آ تینا ٹویٹ اٹی وزیراعظم شہباز شریف پارے کہ سویلی و نیامی ایشیانا تینا تینا اہمیت ءِ ہراڑتون کمکاری نا مون آ دننگ غٹ نا اسیجائی فائدہ ٹی ءِ۔ اوپارے کہ نیامی ایشیائی ریاست آتون گہرا تعلق ننا حکومت نا بنداوی مسخت ءِ۔ سویلی و نیامی ایشیائی ملک آتون کمکاری نا مون آ دننگ غٹ انا اسیجائی فائدہ ٹی ءِ۔ نن مربوط خارجہ پالیسی خوانہ ہرافتے عمران خان تینا دور حکومت اٹی نسخان تسنے۔ وزیراعظم پارے کہ جہانی راہشون تتون تینااوڑدہی تیٹی اقتصادی و واپاری رابطہ غاتیا ہیت مس، سیکا سروک دیوان و ایس سی او دیوان اٹی توانائی، واپار و علاقائی رابطہ غاتیا پاکستان نا چکار ئسک۔ جہانی راہشون تتون اوڑدہی ٹی پاکستان ءِ کاروباردوست ملک اسے نا وڑاٹ پیش کننگ اٹی اُٹ۔
