اسلام آباد۔ 14 اکتوبر (ّاے پی پی) تھائی لینڈ نا 130 باسکی ڈل تخت بائی ٹی بدھ مت نا تاریخی و مذہبی ہند آتا دورہ ءِ کرے۔ تخت بائی ٹی بدھ مت نا مذہبی ہند دنیا نا غٹ آن بھلا متکن آ خانقاہ تیان اسٹ ءِ۔ تخت بائی و سوات ہڑتوم آک بدھ مت نا ہند آتا سوب آن پنی ءُ۔ اسہ ایلو آن خڑک مننگ نا سوب آن زائر آک بھلو کچ اسے ٹی ہڑتوم آ ہند آتا دورہ ءِ کیرہ۔ ڈل تخت بائی ٹی بدھ مت نا چندی مذہبی ہند آتیا مذہبی رسم آتے ادا کرے۔ ڈل انا باسک آک بدھ مت نا مذہبی و تاریخی ہند آتا رکھ و گچین خیالداری آ حکومت پاکستان و تخت بائی و سوات نا الس نا منت واری ءِ ہرفیر۔ ڈل انا باسک آک پاریر کہ پاکستان اقلیت آتیکن اسہ اہم ءُ ملک اسے۔ داڑے ہرسال چندی مذہب آتا مخلوق آجوئی اٹ مذہبی رسم آتے ادا کننگ کن پیشن نا ملک آتیان بریرہ ۔دا ، دا ہیت انا ڈیک ءِ کہ پاکستان اٹی مذہبی رواداری ءِ اہمیت تننگک۔ تخت بائی گندھارا تہذیب نا بشخ ئسک، ہراکہ برصغیر نا تاریخ اٹی بنائی شاری ہنکینی تیا اسٹ ءِ۔ میرات نا جاگہ غا اولیکو وار 1836 اٹی کھڈ ختنگاسس۔
