مزن وزیر شہباز شریف  ءِ تاجک  صدر ءَ گوں گند ءُ نند،  یکوئی  آناں مھکم کنگ،  کاسا 1000  منسوبگ  آنی زوت سرجمی،  پڑ ءَ   ایمنی ءُ برجائی ءِ واستہ  یکجائی ءَ کار کنگ ءِ ضلورت  ءِ  سر ءَ تپاک

آستانہ۔13اکتوبر  (اے پی پی): مزن وزیر   وزیر  محمد  شہباز شریف  ءُ تاجکستان  ءِ صدر    امام   علی رحمان ءَ دوئیں ملک آنی نیام ءَ  معیشت ، تجارت  ، اھٹیگ  ءُ رابطہ آنی   شوبگ ءَ  یکوئی  ءَ را مھکم، کاسا 1000   منصوبگ  آنی زوت  سرجمی  ءُ پڑ ءَ ایمنی،  برجائی  ءُ  سلامتی  ءِ واستہ  یکجائی ءَ  کار  کنگ ءِ ضلورت   ءِ سر ءَ تپاک  کتگ۔   اے منگ نامہ  پنچ شمبے ءِ روچ ءَ   ادا رابطہ آنی  دیمروئی     ءُ  دل یکیمی  ءِ  گامگیج     “سیکا”   ءِ ششمی سروکیں  دیوان  ءِ  موہ ءَ   گند ءُ نند  بوت۔  مزن وزیر  ءَ  تاجکستان   ءِ صدر    ءَ را ملک ءَ  ھور ءُ ھار ءَ چہ پد  حکومت ءِ نیمگ ءَ چہ   بندات کتگیں  آسودگی کار آنی  بابت ءَ  سرپد کت۔  آئی ءَ    نمب ءُ ناس  ءَ چہ  پیداک بوھوکیں  کدرتی  آپت  آنی  گیش بوھوکیں  بیم  آنی  گیش  ءُ گیواری  ءِ واستہ  یکجائی  کوشست  ءِ ضلورت  ءِ سر ءَ زور پر دات۔ صدر  امام علی رحمان  ءَآئی ءَ را اے رد ءَ  تاجکستان  ءِ نیمگ ءَ  چہ یک شلیں کمک  ءِ  دل یکیمی کنائینت  ایشی ءِ  پد ءَ  ھور ءُھار   ءِ  ھوالگ ءَ  المی ایں کمکی سامان  آنی ٹرک  آنی  گیشں  قافلہ ءِ روانگی ھم  ھوار انت۔  مزن وزیر ءَ  گوستگیں ماہ  سمر قند ءَ شنگھائی کمکی  گلءِ سروک  دیوانءِ موہ ءَتاجک  صدر ءِ گوما  وتی  گند ءُ نند آنی تران کت۔   آواں جتا جتائیں   دو نیمگی  یکوئی آنی  ھوالگءَ دل  یکیمی  ءِ درشان کت۔ دوئیں سروک  آں  مزن تکی  رابطہ،  پارلیمان آنی وت مہ وتی رابطہ  تکنیکی تکءَ گند ءُ نند آناں گیش  ودینگ  ءِ سر ء۔ تپاک کت  تانکہ مھکمیں کمک آناں گیش  دیمروئی    دیگ بوت کنت۔  مزن وزیر ءَ ھاٹیگ   ءِ شوبگ ءَ کمک آناں گیش  ودینگ ءِ   ضلورت    ءِ بابت ءَ  زور دات۔   اےموہ ءِ سر ءَ  کاسا  1000  منصوبگ  آنی زوت سرجمی ءِ واستہ  یکجائی کار  آنی  ھوالگ ءَ تپاک  کنگبوت۔    ایشا نیامی ایشیا ءِگوما آیوکیںباندات ءَ  ھاٹیگ  ءِ  کشک آنی بنجاھی  جوڑ بیت۔  مزن وزیر  ءَ پڑ ءَ رابطہ  آناں  دیرموئی دیگ ءِ ارزشت  ءَ را سہرا کنانءَ روڈ  ٹؑرانسپورٹ   ءُ   بالی رابطہ   آنی شوبگ  ءَ کمک آناں  شاھیگانی  دیگ ءِ    زور پر دات۔  آئی ءَ تاجکستان  ءَ را گوادر    ءُ کراچی دکہ    ءَ تاں   رسائی   پجاری  کنگ ءِ واستہ پاکستان   ءِ    دل یکیمی ءِ درشان  کت۔ دوئیں سروک آں وت مہ وتی  واھگی کار   دمگی  ءُ میاں  اوستمانی   کار آنی سر ءَ ھیال ریچی  کت  ءُ پڑ   ءَ  ایمنی ، برجائی ءُ سلامتی    ءَ را  مھکم   جوڑ  کنگ ءِ  واستہ  یکجائی کار  کنگ ءِ ضلورت ءِ سر  ءَ تپاک  کت۔ دو ئیں   سروک آں   دراج برئیں  اقتصادی  کمک ھاسیں رنگ ءَ تجارت،  ھاٹیگ   ءُ زمینی   ءُ بالی  رابطہ  آنی شوبگ  آناں وتی  یکوئی    آناں گیش مھکم جوڑ کنگ ءِ  بابت ءَ   تپاک کت۔