اسلام آباد۔11اکتوبر (اے پی پی): مزن وزیر محمد شہباز شریف ایشیا ءِ تہا نزیکی ءُ اوست سازی ءِ گامگیج ( سیکا) ءِ ہوالگءَ کانفرنس ءِ دوروچی ششمی سروکی دیوان ءَ ہوار بیت، مزن وزیر 13 اکتوبر ءَ کانفرنس ءِ بُنگیجی دیوان ءَ بنکی تران کنت۔ سئے شمبے ءِ روچءَ دری کارانی وزارت ءَ چہ جاری بیان ءِ ردءَ مزن وزیر محمد شہباز شریف قزاخستان ءِ بنجاہی حکومت آستانہ ءَ ’’ایشیا ءَ نزیکی ء ُ اوست جوڑ کنگ ءِ گامگیج ‘‘ ( سیکا) ءِ ہوالگءَ کانفرنس ءِ دو رو چی (12، 13 اکتوبر ) ءَ بوہوکیں ششمی سروکی دیوان ءَ ہوار بیت۔ کابینہ ءِ باسک ء ُ مزنیں حکام ہم آئی ءِ ہمراہ بنت۔ مزن وزیر 13 اکتوبر ءَ کانفرنس ءِ بُنگیجی دیوان ءَگوں تران کنت۔ آ وتی تران ءِ تہا ایشیائی ملک آنی جیڑہ ء ُ جنجال ءُ آیاناں گرء ُدار کنگءِ ھاترءَ گپ ء ُتران، من ء ُ گر ء ُ کمک ءَ را گیش کنگءِ ھاترءَ سیکا ءِ ارزشت ءَ درشان کنت۔ سروکی دیوان ءِ موہ ءَ مزن وزیر سیکا ءِ باسکیں ملک آنی گوما دونیمگی گندء ُنندہم کنت کہ آیانی مول ء ُ مراد حاس بیپاری، زرکاری ء ُتوانائی ءِ پڑآں کمک ءَرا گیش کنگ اِنت۔ سیکا سرجمیں ایشیا ءِ 27 ملک آنی سرءَ استیں جتاہیں حکومتانی نیامی فورم اِت، کہ 1992 ءَ جوڑ کنگ بوتگ۔ ایشی ءِ تہا برصغیر ایشیا ءِ تہا امن ء ُایمنی، سلامتی ء ُ سماجی ءُ معاشی دیمروئی ءَرا گیش کنگءِ سرءَ دلگوشی دیئگ بیت۔ اے فورم 5 مزنیں پڑآں اوست سازی ءِ گامگیجاناں گیش کنگ اِنت کہ آئی ءِ تہا معاشی ، ماحولیاتی ، انسانی ، نوکیں جیڑہ ء ُ ھترہ ء ُ فوجی ء ُ سیاسی ہوار اَنت۔ سیکا ءِ منشور ءُ اہداف ءِ ردءَ مزن وزیر ءِ سروکی دیوان ءَ ہوار بوہگ اے گپ ءَ را تچک کنت کہ پاکستان ایشیا ء ِ تہا نزیکی ء ُ معاشی کمک ءِ گیش کنگءَ را ارزشت دنت۔
