سیلاپ ءَ چہ آماچیں مردم آنی  آسودگی پاکستان ءِ واستہ  ٹوھیں  جیڈھ ات، سیکا  ءِ  باسکیں ملک  پڑ  ءَ ایمنی   ءِ  برجائی   ءَ را  ودینگ ءِ واستہ   وتی گیشاں چہ گیش   کرد  ءَ   پیلو بکن اَنت،  مزن وزیر شہباز شریف  ءِ  سیکا ءِ ششمی  سروکی  دیوان ءَ گوں گشتانک

آستانہ۔13اکتوبر  (اے پی پی): مزن وزیر   محمد  شہباز شریف   ءَ گوشت کہ  پاکستان ءِ  3 کروڑ  آماچیں مردم آنی  آسودگی  ٹوھیں جیڈھ ات،  آواناں  آبات کنگ ءَ  بازیں  سال  لگ ائیت۔  سیکار  ءِ باسیں  ملک  پڑے ءَ ایمنی  ءُ  کمک آناں ودینگ ءِ واستہ  گیشاں چہ گیش  کرد پیلو  بکن  انت۔  بھارت ءَ   وتی گیر کانودی   آوار جتگیں  جموں کشمیر  ءِ  پڑ ءَ اردی زوراکی  ءَ را  کارمرد  کنان ءَ زوراکی ءَ گوں  کبزہ  ءُ کشمیر آنی  وت مستری   ءِ ھک ءَ چہ  زبھر کتگ، پاکستان  بھارت ءِ گوما   پکو ءُ  بزانتی  گپءُ تران ءِ  واستہ  تیار انت۔ میاں اوستمانی برات آناں اوگانستان  ءَ مھکمیں  ایمنی ءِ  واستہ   وتی کرد ءَ  را پیلو  کنگ لوٹ  ائیت۔  سی پیک ءَ چہ  سرجمیں پڑ ءِ واستہ  اقتصادی  موہ پیداک  بنت۔  پنچ  شمبے  ءِ  روچ ءَ  قازقستان  ءِ دارالحکومت  آستانہ  ءَ سیکا ءِ ششمی  سروکی دیوان  ءَ گوں گشتانک  دیان ءَ  کت۔   مزن وزیر  محمد  شہباز شریف  ءَ سیکا ءِ پلیٹ  فارم ءَ را بے  کساس  ارزشتی  نامینتگ۔  آئی ءَ گوشتگ کہ پڑے ءَ    کمک  آنی ودینگ ءُ   اوست  سازی  ءِ  ھوالگ ءَ  سیکا ارزشتی ایں  کرد ءَ  پیلو  کت کنت۔  مزنوزیر  ءَ گوشت کہ پاکستان  ایٹماسپیئر   ءِ مٹ ءُ بدلی ءِ سبب ءَ  نہ وشیں جاور ھال  آنی گوما دیم پہ دیم انت۔  استیں وھد ءَ  بوتگیں  ھور ءُ ھار ءَ چہ ملکءِ  گیشتریں  بھر   آپ ءَ  بُک اتگ بوتگ  ءُ اربانی  ڈالر ءِ تاوان بوتگ۔  1600  مردمبیران بوتگ  انت  وھدیکہ ہزارانی کلومیٹر سڑک  ءُ پل  آپ ءَ  برتگ انت   ءُ  لکھانی  ایکٹر   کشار  تباہ بوتگ انت۔    مزن وزیر  ءَ گوشت کہ  موسم ءِ نہ وش کنگ ءِ بھر ءَ  پاکستان ءِ  یک درسدے ءَ چہ کم   بھر مان انت۔    پاکستان  اے  رد ءَ درستاں چہ گیش   آماچ بوھوکیں ملک آنی لڑ ءَ ھوار انت۔  آئی ءَ گوشت کہ  سیلاپ ءِ  آماچیں مردم آنی آسودگی  ءِ   واستہ  توامیں آسراتی کارمرز   کنگ بوھگ ءَ انت۔  آئی ءَ گوشت کہ  یونائیٹڈ  نیشن ءِ  سیکرٹری جنرل  ءِ  پاکستان ءِ   تر ءُ تاب ءِ  پد ءَ  آئی  شگر ءُ منت وار  ی  انت۔  آئی ءَ گوشت کہ  یونائیٹڈ  نیشن ءِ شگر ءُ منت واری ءَ گراں کہ آئی ءَ  816  ملین  ڈالر  ءِ کمک  دزبندی  باز  وشیں  ءُ جوانیں  گپ اِت۔ مزن وزیر ءَ گوشت کہ اوگانستان  ءَ مھکمیں ایمنی ءُ  برجائی ءِ واستہ  میاں اوستمانی برات  آناں وتی کر د ءَ پیلو  بکنت۔ آئی ءَ گوشت کہ  پاکستان  بازیں سال ءَ چہ  40 لکھ  اوگان لڈ ءُ بار کنوک آنی  میزانی   ءَ  کنگ   ءَ انت۔  آئیءَ گوشت کہ ما  ناشرکاری ءِ  ھلاپ  ءَ جنگ ءَ ٹوھیں  قربانی  داتگ۔  آئی ءَ  گیش تران  کنان ءَ گوشت کہ سی پیک ءَ را سرجمیں پڑ ءِ  دیمروئی  ءِ  واستہ ارزشتی   نامینان ءَ گوشت کہ سی پیک  روڈ اینڈ  بیلٹءِ یک ارزشتی ایں  منصوبگ  ات  ایشی ءَ چہ  پاکستان   ءَ  ھوار   پڑ ءَ   تجارتی  چست ءُ  ایر  گیش بنت۔